Հայ երաժիշտները կընդգրկվեն «Արևելյան գործընկերության» երկրների երիտասարդական նվագախմբում
Հայ երաժիշտները կընդգրկվեն ԵՄ «Արևելյան գործընկերություն» ծրագրում ներգրավված Լեհաստանի և երկրների ներկայացուցիչներից ձևավորված երիտասադրական նվագախմբում, «Նովոստի-Արմենիա» գործակալությանը հայտնեցին Հայաստանում Լեհաստանի դեսպանատնից։
Հաղորդագրության համաձայն, թեկնածուների լսումները կսկսվեն ուրբաթ օրը՝ Երևանի Կոմիտասի անվան պետական կոնսերվատորիայում։
«I, CULTURE Orchestra-ն բացառիկ և ժամանակակից ծրագիր է, որը կազմակերպվել է Ադամ Միցկևիչի անվան լեհական ինստիտուտի կողմից։ Ծրագիրը Լեհաստանի կողմից նախաձեռնած մշակութային նախագծերի շարքում կարևորագույն ծրագրերից է Եվրամիությունում նրա նախագահության ժամանակահատվածում (2011 թվականի երկրորդ կես)»,- ասվում է հաղորդագրության մեջ։
Նվագախումբը ստեղծվել է այնպիսի կոլեկտիվների նմանությամբ, ինչպես Եվրոպական միության Երիտասարդական նվագախումբն է և ԱՊՀ երիտասարդական նվագախումբը։ -0-