«Ոսկե ծիրան» կինոփառատոնի կազմակերպիչները Եվրախորհրդի հետ համատեղ միջազգային համաժողով կանցկացնեն Երևանում

ԵՐԵՎԱՆ, 3 հունիսի./Նովոստի-Արմենիա/. Հունիսի 13-ից հուլիսի 20-ը  Երևանում անցկացվող «Ոսկե ծիրան» հինգերորդ միջազգային կինոփառատոնի շրջանակներում հուլիսի 18-ին տեղի կունենա «Կինոն որպես միջմշակութային երկխոսության միջոց» միջազգային համաժողովը, որը կազմակերպվում է Եվրախորհրդի հետ համատեղ, ասաց փառատոնի գեղարվեստական ղեկավար Սուսաննա Հարությունյանը։

«Փառատոնի հիմնական նպատակներից է՝ միջազգային հանրության ուշադրությունը հրավիրել Հայաստանի վրա՝ որպես կինոարտադրող երկրի»,- ասաց Հարությունյանը երեքշաբթի Երևանում լրագրողներին։

Փառատոնի գեղարվեստական ղեկավարը նշեց, որ կինոն կարևոր դեր է կատարում Հայաստանի և այլ երկրների միջև համագործակցության ամրապնդման գործընթացում։

Հարությունյանի խոսքով, համաժողովին մասնակցելու են Եվրոպայից ժամանած մասնագետներ։

Առաջին անգամ «Ոսկե ծիրանը» Երևանում անցկացվել է 2004 թվականի հունիսի 30-ից հուլիսի 4-ը։ Ներկայում փառատոնը համարվում է տարածաշրջանում ամենահեղիանակավորներից մեկը, որն արժանացել է համաշխարհային կինոմատոգրաֆիայի վարպետների բարձր գնահատականներին։---0-