Հայաստանի 15 գրադարան վերանորոգվելու է 2008-2009թթ. ընթացքում

ԵՐԵՎԱՆ, 4 ապրիլի./Նովոստի-Արմենիա/. Մայրաքաղաքի երկու և մարզային տասներեք գրադարաններ կվերանորոգվեն 2008-2009թթ. ընթացքում, հաղորդեց ՀՀ մշակույթի նախարարության մշակութային քաղաքականության վարչության պետ Կարո Վարդանյանը։

«Վերանորոգման աշխատանքներն իրականացնելու է Քաղաքաշինության նախարարությունը՝ մշակույթի առարկաների վերանորոգման կառավարության համալիր ծրագրի շրջանակներում»,- ուրբաթ լրագրողներին ասաց Վարդանյանը։

Նրա խոսքով, ընթացիկ տարում վերանորոգվելու է Երևանի երկու գրադարան՝ Հայաստանի ազգային գրադարանը և Խնկո Ապոր անվան հանրապետական ազգային մանկական գրադարանը։

«Մշակույթի նախարարությունը հատուկ ուշադրություն է հատկացրել Ազգային գրադարանի վերականգնմանը, քանի որ այն մեր մշակույթի հիմնական խորհրդանիշներից մեկն է»,- ասաց Վարդանյանը։

Գրադարաններում գազաֆիկացվելու է, կտեղադրվի ջեռուցման համակարգ, միաժամանակ, նա դժվարացավ անվանել դրա համար անհրաժեշտ միջոցները։

Մշակույթի նախարարության ներկայացուցիչն ավելացրեց, որ մայրաքաղաքի գրադարանների համեմատ մարզային գրադարաններն ավելի վատթար վիճակում են։

«Մարզային գրադարանները հիմնականում գտնվում են բնակելի շենքերի առաջին հարկերում, դրա համար էլ ավելի հաճախ են հանդիպում կենցաղային դժվարությունների»,- ավելացրեց նա։

Մշակույթի նախարարության տվյալներով, այսօր Հայաստանում գործում է մոտավորապես 800 գրադարան։--0—