Հայաստանի նկարիչների միության շենքի վերանորոգման աշխատանքները կավարտվեն 2008 թ.-ի գարնանը
Հայաստանի նկարիչների միության շենքի վերանորոգման աշխատանքները կավարտվեն 2008 թ.-ի գարնանը։ Այս մասին ուրբաթ լրագրողներին տեղեկացրեց Հայաստանի նկարիչների միության նախագահ Կարեն Աղամյանը։
Նրա խոսքերով, վերանորոգման ավարտից հետո միության շենքը կհամապատասխանի միջազգային չափանիշներին։
«Նախագծված ցուցահանդեսային դահլիճները իրենց չափերով, լուսավորությամբ և ջեռուցման համակարգով այսօրվա դրությամբ մեր երկրում իրենց նմանը չունեն», - ասաց Աղամյանը։
Միաժամանակ նա ավելացրեց, որ ցուցահանդեսային դահլիճների ընդհանուր մակերեսը ավելացվել է և կազմել 850 մ2։
Նախագահի խոսքերով, «Ռենգեմա» հայկական շինարարական ընկերության կողմից իրականացվող վերանորոգման աշխատանքները տևել են երկու տարի։
«Ընկերությունը փոխշահավետ պայմաններ է առաջարկել երկու կողմերի համար», - ասաց նա։
Աղամյանի խոսքերով, ընկերությունը համաձայնվել է վերանորոգում իրականացնել Նկարիչների միության շենքում լրացուցիչ երեք հարկերի կառուցման դեպքում, որոնք շահագործվելու են որպես գրասենյակներ։
Միաժամանակ Աղամյանը տեղեկացրեց, որ Նկարիչների միության գործունեությունը կնշանավորվի լայնամասշտաբ ցուցահանդեսի բացումամբ, որի ժամանակ այցելուներին կներկայացվի Միության յուրաքանչյուր անդամի մեկական աշխատանք։
Հայաստանի նկարիչների միությունը ստեղծվել է 1932 թ.-ին։ Այն ժամանակ այն ուներ շուրջ 40 անդամ։ Այսօրվա դրությամբ Միության կազմում են Հայաստանի 700 նկարիչ։-0-
