Հայաստանը և Ռուսաստանը ստորագրելու են 2008-2009թթ. մշակութային միջոցառումների իրականացման մասին համաձայնագիր

ԵՐԵՎԱՆ, 30 նոյեմբերի./Նովոստի-Արմենիա/. Հայաստանի և Ռուսաստանի միջև ստորագրվելու է հայ-ռուսական մշակութային համագործակցության 2008-2009թթ. փոխըմբռնման հուշագիր։

Ինչպես ուրբաթ Երևանում լրագրողներին հայտարարեց ՀՀ մշակույթի նախարար Հասմիկ Պողոսյանը, փաստաթղթում ներգրավված ծրագրերի իրականացումը սկսվելու է 2008թ. հունվարից։

«Միջոցառումների շարքում նախատեսվում է կազմակերպել թատերական հյուրախաղեր, համերգային ծրագրեր, գրքերի համատեղ հրատարակություն»,- տեղեկացրեց նա։

Պողոսյանի խոսքով, այսպիսի զարգացման շնորհիվ հայ-ռուսական մշակութային կապերը նոր խթան կստանան։

«Հենց այս նպատակով էլ մենք որոշեցինք փաստաթղթի ստորագրման արարողությունը ժամանակային առումով համապատասխանեցնել Ռուսաստանի արվեստի գործիչների պատվիրակության հայաստանյան այցի ժամանակի հետ, որոնք նաև մասնակցելու են «Սուրբ Հայաստան» ցուցահանդեսի փակման պաշտոնական արարողությանը»,- ասաց նա։

Նախարարը նշեց, որ պատվիրակության այցի ընթացքում հանդիպում տեղի կունենա ՀՀ նախագահ Ռոբերտ Քոչարյանի և վարչապետ Սերժ Սարգսյանի հետ։

Նոյեմբերի 30-ին ռուսական պատվիրակության անդամները Երևանում հանդիպեցին Երևանի պետական համալսարանի ուսանողների և դասախոսների հետ։ Երևան ժամանած ռուս մշակույթի գործիչների պատվիարկության կազմում են, մասնավորապես՝Ռուսաստանի մշակութային գործիչների պատվիրակության կազմում են Միխայիլ Շվիդկոյը (ՌԴ մշակույթի եւ կինեմատոգրաֆիայի դաշնային գործակալության ղեկավար), Միխայիլ Պիոտրովսկին (Էրմիտաժի գլխավոր տնօրեն), Արմեն Ջիգարխանյանը (ԽՍՀՄ ժողովրդական արտիստ, Մոսկվայի դրամատիկական թատրոնի գեղարվեստական ղեկավար), Իգոր Կոստոլեւսին (ՌԴ ժողովրդական արտիստ, Մայակովսկու անվան ակադեմիական թատրոնի դերասան), Վենիամին Սմեխովը (ՌԴ ժողովրդական արտիստ), Ալեքսանդր Շիրվինդտը (ՌԴ ժողովրդական արտիստ, Մոսկվայի սատիրայի թատրոնի գեղարվեստական ղեկավար), Վիկտոր Լոշակը (ՙՕգոնյոկ՚ ամսագրի գլխավոր տնօրեն, կինոռեժիսոր), Կարեն Շախնազարովը (ՙՄոսֆիլմի՚ գլխավոր տնօրեն, կինոռեժիսոր):--0--