Ռուս Միստեր Բին. Մկոն հանդես կգա նոր ֆիլմում (ՎԻԴԵՈ)
![Ռուս Միստեր Բին. Մկոն հանդես կգա նոր ֆիլմում (ՎԻԴԵՈ) Ռուս Միստեր Բին. Մկոն հանդես կգա նոր ֆիլմում (ՎԻԴԵՈ)](/upload/iblock/5a5/j9tm4rli9w8jy8y4q5mifc6em1fbbwe4.jpg)
ԵՐԵՎԱՆ, 21 հունվարի․/Նովոստի-Արմենիա/․ Ռուսական Միստեր Բինի մասին «Գոշա» անունով հումորային սերիալի պրեմիերան կկայանա հունվարի 25-ին ռուսական հեռուստաալիքներից մեկով։ Այս մասին հայտնում է Վոկրուգ ՏՎ-ն։
Ֆիլմի ռեժիսորը Միխայիլ Միրոնովն է, իսկ պրոդյուսերները՝ Ալեքսեյ Տրոցյուկը, Էդուարդ Իլոյանը, Միխայիլ Տկաչենկոն և Ռեզո Գիգինեիշվիլին։ Գլխավոր ՝ ամաչկոտ ժպիտով «հիմարի» դերը խաղում է Մկոն (Մկրտիչ Արզումանյանը)։
Պատմությունը պարզամիտ Գոշայի մասին է, ով արդեն 30 տարի է ինչ նույն կյանքով է ապրում։ Նա վախենում է տնից դուրս գալ, քանի որ ամեն անգամ մի զվարճալի պատության մեջ է ընկնում։ Գոշան ծիծաղելի ակնոց ու շնիկով հողաթափեր է կրում, և նրա ամեն օրն անցնում է հին հեռուստացույցի առջև։ Բայց նա երազանք ունի․ ստեղծել ընտանիք մի աղջկա հետ ում մինչև ականջների ծայրը սիրահարված է։
Յուլյան աշխատում է բանկում և, չգիտես ինչու, չի նկատում Գոշային։ Իսկ Գոշան, իր հերթին, հույս ունի, որ իր երազանքի կնոջ հետ մեքենայով կշրջի ողջ աշխարհով։-0-