ԵՐԵՎԱՆ, 4 դեկտեմբերի. /Նովոստի Արմենիա/. Էդուարդ Միսկարյանը (դուդուկ), Սյուզի Գաբրիելյանը (քանոն) և Էմիլ Ներսեսյանը (դհոլ) պարզապես հիացրել են «Կապույտ թռչուն» ("Синяя птица") պատանի տաղանդների համառուսական մրցույթի ժյուրիի անդամներին ու հանդիսատեսին։
Երեխաները հայկական ազգային գործիքներով վիրտուոզ կերպով կատարել են «Սև կոշիկով բարձրահասակ շիկահերը» ֆիլմի երաժշտությունը, որի կոմպոզիտորը Վլադիմիր Կոսման է։
Նիկոլայ Ցիսկարիձեն նշել է, որ երբեք չէր մտածում այն մասին, որ ֆրանսիական ֆիլմի համար գրված այս հրաշալի մեղեդին կարող է կատարվել նման գործիքների վրա։
Загружается новость ... "Лево"
«Անգամ պատկերացնել չէի կարող։ Շնորհակալություն լավ տրամադրության
համար», – ասել է նա։
Ըստ Դենիս Մացուևի, ազգային գործիքները միշտ հատուկ կոլորիտ են հաղորդում, առավել ևս նման երիտասարդ երաժիշտների կատարմամբ։
«Շնորհավորում եմ ձեզ, մենք մեծ բավականություն ստացանք, հուսով եմ, որ ձեր տրիոն մեծ ապագա ունի։ Պարապեք, սիրեք երաժշտությունը և ավելի շատ փորձեր անցկացրեք», – ասել է նա։
Հայկական տրիոյի` Էդուարդ Միսկարյանին (15 տարեկան), Սյուզի Գաբրիելյանին (11 տարեկան), Էմիլ Ներսեսյանին (7 տարեկան) համախմբել է ժողովրդական գործիքների հանդեպ տածած սերը։ Էդուարդ Միսկարյանն ավարտել է երաժշտական դպրոցի կլառնետի բաժինը։ Դրան զուգահեռ սովորել է դուդուկ նվագել, որով և որոշել է մասնակցել մրցույթին։ Սյուզի Գաբրիելյանը սովորում է քանոն նվագել, նա երազում է հայտնի երաժիշտ դառնալ։ Իսկ Էմիլ Ներսեսյանին դհոլ նվագել է սովորեցրել հայրը։ Երեխաները հավատում են , որ «Կապույտ» թռչունն իր թևերի վրա ամպայման իրենց հաջողություն կբերի։
«Կապույտ թռչուն» մրցույթի առանձնահատկությունը նրա բազմազանության մեջ է, մրցույթը չի սահմանափակվում միայն մեկ ժանրով։ Մրցույթը համախմբում է նրանց, ովքեր երգում են, պարում, նվագում երաժշտական գործիքներ, կատարում բարդ ակրոբատիկ և մարմնամարզական վարժություներ։ Նոր եթերաշրջանի առանձնահատկությունն այն է, որ այս անգամ մրցույթին մասնակցում են նաև համույթներ։
Պատանի տաղանդների հմտությունները գնահատում են ՌԴ ժողովրդական արտիստներ` ջութակահար և դիրիժոր Սվետլանա Բեզրոդնայան, Վագանովայի անվան պարարվեստի ուսումնարանի ռեկտոր Նիկոլայ Ցիսկարիձեն, ռուսական ռոմանսների կատարող Օլեգ Պոգուդինը, վիրտուոզ դաշնակահարԴենիս Մացուևը։ –0–
