Հայոց ցեղասպանության մասին Ջո Բերլինգերի ֆիլմը հաղթել է Լոս Անջելեսի կինոփառատոնում (ՎԻԴԵՈ)

ԵՐԵՎԱՆ, 27 հոկտեմբերի. /Նովոստի Արմենիա/. Հայոց ցեղասպանության մասին Ջո Բերլինգերի «Ոչնչացնելու մտադրություն» (Intent to Destroy) վավերագրական ֆիլմը հաղթել է  Լոս Անջելեսում անցկացվում կինոփառատոնի «Լավագույն փաստագրական ֆիլմ» անվանակարգում, հայտնում է Deadline.com–ը։

Աշխարհահռչակ System of A Down ռոք-խմբի մենակատար Սերժ Թանկյանն ավելի վաղ Instagram–ի իր էջում հրապարակել է «Ոչնչացման մտադրություն» ֆիլմի կադրեր։ 

 
«Սա իսկապես իմ տեսած ֆիլմերից ամենաուժեղն է։ Ինձ հնարավորություն է ընձեռվել երաժշտություն գրել այս ֆիլմի համար», – գրել էր Թանկյանը։  

Ֆիլմում նկարահանվել են Ատոմ Էգոյանը, Քրիստիան Բեյլը, Մայք Մեդավոյը, Էրիկ Պողոսյանը, Սերժ Թանկյանը, Անժելա Սարաֆյանը, Շորե Աղդաշլուն և ՀՀ-ում ԱՄՆ նախկին դեսպան Ջոն Էվանսը:

Հայոց ցեղասպանության մասին պատմող Ջո Բերլինգի «Ոչնչացնելու մտադրություն» վավերագրական ֆիլմի համաշխարհային պրեմիերան տեղի կունենա Նյու Յորքում նախատեսված Tribeca կինոփառատոնի շրջանակում նոյեմբերի 10–ին: –0–