«Լենինգրադ» խումբը չի մտահոգվում երևանյան համերգի չեղարկման կապակցությամբ
![«Լենինգրադ» խումբը չի մտահոգվում երևանյան համերգի չեղարկման կապակցությամբ «Լենինգրադ» խումբը չի մտահոգվում երևանյան համերգի չեղարկման կապակցությամբ](/upload/iblock/449/7cus7i3x6uretkgl1y7wd17bvoitbk1d.jpg)
ԵՐԵՎԱՆ, 23 սեպտեմբերի. /Նովոստի–Արմենիա/. Հոկտեմբերի 19–ին նախատեսված «Լենինգրադ» խմբի երևանյան համերգը չեղյալ է հայտարարվել կազմակերպիչների նախաձեռնությամբ, life.ru–ին հաղորդել է խմբի մամուլի քարտուղար Դմիտրի Գուգուչկինը։
Նա նշել է, որ Սերգեյ Շնուրովին չեն ներկայացրել համերգի չեղարկման պատճառները։
«Անկեղծ ասած, չգիտեմ համերգի չեղարկման իրական պատճառները։ Այն չեղյալ է հայտարարվել կազմակերպիչների նախաձեռնությամբ։ Մենք համերգների պակաս չունենք, չենք մտահոգվում։ Սերգեյ Շնուրովը ևս մտահոգված չէ, և դա չի հարվածում մեր բյուջեին», – նշել է Գուգուչկինը։
Կազմակերպիչները հայտնել են «Լենինգրադ» խմբի երևանյան համերգի չեղարկման պատճառը>>
Նրա խոսքով` «Լենինգրադի» համերգային ժամանակացույցն ընդգրկում է առաջիկա երկու տարին։
Համերգը պետք է կայանար Կարեն Դեմիրճյանի անվան մարզահամերգային համալիրում, որը կարող է ընդունել ավելի քան 5 հազար հանդիսատես։ –0–