Գորան Բրեգովիչը համերգ կտա Երևանում
29.01.2018,
14:44
Հայտնի սերբ երաժիշտ ու երգահան Գորան Բրեգովիչը համերգ կտա Երևանում:
ԵՐԵՎԱՆ, 29 հունվարի. /Նովոստի Արմենիա/. Հայտնի սերբ երաժիշտ ու երգահան Գորան Բրեգովիչը համերգ կտա Երևանում:
Ինչպես նշվում է միջոցառման Facebook-յան էջում, հռչակավոր երաժշտի համերգը կկայանա 2018 թվականի ապրիլի 16-ին Կարեն Դեմիրճյանի անվան մարզահամերգային համալիրում: Համերգի կազմակերպիչն է Mezzo Production–ը:
Տոմսերն արդեն կարելի է գնել նախնական պատվերով:
Загружается новость ... "Лево"
Սերբ երաժիշտը Հայաստանում առաջին անգամ հանդես է եկել 2010 թվականին «Ալկոհոլ» ծրագրով «Երևանյան հեռանկարներ» փառատոնի շրջանակում:
Գորան Բրեգովիչը հայտնի երաժիշտ և երգահան է։ Նա Էմիր Կուստուրիցայի գրեթե բոլոր հանրահայտ ֆիլմերի երաժշտության հեղինակն է, որոնց թվում են` «Սև կատու, սպիտակ կատու», «Գնչուների ժամանակը», «Արիզոնական երազանք», «Անդերգրաունդ» ֆիլմերը։ -0-
Պատճենել հղումը
