Արծվիկը փայլուն ելույթ ունեցավ «Եվրատեսիլ 2017»–ի առաջին կիսաեզրափակչում (ՏԵՍԱՆՅՈՒԹ)
![Արծվիկը փայլուն ելույթ ունեցավ «Եվրատեսիլ 2017»–ի առաջին կիսաեզրափակչում (ՏԵՍԱՆՅՈՒԹ) Արծվիկը փայլուն ելույթ ունեցավ «Եվրատեսիլ 2017»–ի առաջին կիսաեզրափակչում (ՏԵՍԱՆՅՈՒԹ)](/upload/iblock/a4d/7n1c04933ntz2s26kutyqnq0mhvs879j.jpg)
ԵՐԵՎԱՆ, 10 մայիսի. /Նովոստի–Արմենիա/. Հայաստանը ներկայացնող Արծվիկը փայլուն ելույթ ունեցավ «Եվրատեսիլ 2017»–ի առաջին կիսաեզրափակչում։
Նա կատարեց Fly with me երգը։
Երգի երաժշտության համահեղինակներն են Լևոն և Լիլիթ Նավասարդյանները, խոսքերի համահեղինակները՝ Ավետ Բարսեղյանը և Դավիթ Ծերունյանը:
Երգի մեղեդային գիծը համադրում է աշխարհի տարբեր էթնիկ երաժշտությունների առանձնահատկությունները, այն ընդհանրությունները, որոնք զարմանալիորեն առկա են: Երգի հիմքում մի աղջկա կյանքի պատմություն է, ով մարմնավորում է սերը: Նա համադրում է կյանքի տարբեր գույները և հավաքում աշխարհի հեքիաթները, այն պատմությունները, որոնք պատմում են մեզ, թե ովքեր ենք մենք իրականում: Ընդգրկելով աշխարհի ողջ բազմազանությունը՝ աղջիկը թռչում է վեր՝ դեպի երկնային բարձունքներ, և դառնում արև, որի սերն ու լույսն ընդհանուր են բոլորի համար՝ միակը բոլորիս համար
Մրցույթի երկրորդ կիսաեզրափակիչը կանցկացվի մայիսի 11–ին, իսկ եզրափակիչը` մայիսի 13–ին։
«Եվրատեսիլ-2017»-ին մասնակցում է 43 պետություն:
Հայաստանը «Եվրատեսիլին» մասնակցում է 2006 թ.–ից։ Լավագույն արդյունքը` չորրորդ տեղը, ապահովել են երգչուհի Սիրուշոն 2008 թ.–ին և Արամ MP3–ը 2014 թ.–ին։–0–
How many points for @ArtsvikOfficial? Will #ARM???????? fly to the #ESC2017 Grand Final? pic.twitter.com/HuaSFqvc71
— Eurovision (@Eurovision) May 9, 2017