Ընդդիմությանը չհաջողվեց սկսել ՀՀ ֆինանսների նախարարի հրաժարականի գործընթացը

12:38

18 Ապրիլի 2019

ԵՐԵՎԱՆ, 18 ապրիլի. /Նովոստի-Արմենիա/. Հայաստանի ԱԺ–ում բացարձակ մեծամասնություն կազմող «Իմ քայլը» խմբակցությունը քվեարկեց Հայաստանի վարչապետ Նիկոլ Փաշինյանին ֆինանսների նախարար Ատոմ Ջանջուղազյանին զբաղեցրած պաշտոնից ազատելու վերաբերյալ ներկայացրած առաջարկի դեմ։

Տվյալ օրինագծի նախաձեռնողը «Լուսավոր Հայաստան» խմբակցությունն է, որը «Կառավարության կառուցվածքի մասին» օրենքում փոփոխությունների և լրացումների օրինագծի քննարկումից հետո եկել է եզրակացության, որ անհրաժեշտ է ազատել ֆինանսների նախարարին զբաղեցրած պաշտոնից։ Խմբակցությունը դժգոհ է մնացել նախարարի` «Կառավարության կառուցվածքի մասին» ներկայացված օրինագծի վերաբերյալ ուղղված գրավոր հարցումներին տված պատասխաններից և նախաձեռնել է տվյալ գործընթացը։

«Կարծում եմ, որ Ջանջուղազյանը պետք է գտնվի այստեղ, որովհետև հարցը սպառված չէ։ Նրա բացակայությունը խոսում է խորհրդարանի նկատմամբ նրա վերաբերմունքի մասին։ Մենք շարունակում ենք մնալ մեր կարծիքին` սա նախազգուշացում է բոլոր նախարարներին, որ խորհրդարանի նկատմամբ չի կարելի այսպես պահել իրեն»,– ասաց «Լուսավոր Հայաստան» խմբակցության առաջնորդ Էդմոն Մարուքյանը։

Загружается новость ... "Право"

«Բարգավաճ Հայաստան» խմբակցության պատգամավոր Միքայել Մելքումյանի խոսքով, նախօրեի քննարկումը ցույց է տվել, որ տրված հարցերի պատասխանները չեն ստացվել, այդ իսկ պատճառով խմբակցությունը «կողմ» է քվեարկելու վարչապետին Ջանջուղազյանի հրաժարականի հարցով դիմելուն։

«Նախարարը պետք է պարզ մարդկային լեզվով պարզաբանի 10 հազար մարդու կրճատմանը վերաբերող հայտնի նամակի բոլոր վիճահարույց պահերը և բովանդակությունը»,– ասաց նա։

Խորհրդարանի նախկին փոխխոսնակ, Հայաստանի արդարադատության նախկին նախարար Արփինե Հովհաննիսյանը մարտի 4–ին Facebook–ի իր էջում փաստաթուղթ է հրապարակել, որն ուղղված էր Փաշինյանին փոխվարչապետ Մհեր Գրիգորյանի և ֆինանսների նախարարի անունից։ Դրանում նշվում է, որ «եթե հավելյալ արժեք չստեղծող նույնիսկ 10 հազար հանրային ծառայողներ գործազուրկ դառնան, ապա դրանից կշահի հայոց պետականությունը և ամբողջ հասարակայնությունը»։

Այդ նախաձեռնությանը դեմ հանդես եկավ «Իմ քայլը», որի առաջնորդ Լիլիթ Մակունցը հայտնեց, որ հարցի մեկ քննարկումը բավարար չէ, ուստի նրանք դեմ քկվեարկեն։

Քվեարկության ժամանակ նախաձեռնության օգտին քվեարկել է 41 պատգամավոր, դեմ` 67, ձեռնպահ` 1։ -0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

#Ատոմ Ջանջուղազյան #հրաժարական #օրինագիծ #նախաձեռնություն #քվեարկություն

Թեմատիկ նյութեր