Երևանի կենտրոնում անցնում է ընդդիմության ցույցի մասնակիցների երթը

ԵՐԵՎԱՆ, 1 դեկտեմբերի. /Նովոստի–Արմենիա/. Երևանի Ազատության հրապարակում ընդդիմության ցույցի մասնակիցները երթ են սկսել, հայտնում է «Նովոստի–Արմենիա» գործակալության թղթակիցը։

Հարյուրավոր մարդիկ անցնում են քաղաքի կենտրոնական փողոցներով` կոչ անելով քաղաքացիներին դուրս գալ տներից և միանալ իրենց։

Ավելի վաղ ցույցի ժամանակ ելույթ էին ունեցել մի քանի ընդդիմադիր գործիչներ։ «Նոր Հայաստան» հասարակական փրկության ճակատի առաջնորդ Ժիրայր Սեֆիլյանը կոչ էր արել ժողովրդին պայքարել մինչև վերջ իշխող ռեժիմին վերջ դնելու համար։

Մի քանի ընդդիմադիր գործիչների միավորող «Նոր Հայաստան» շարժումը մտադիր է ձախողել դեկտեմբերի 6–ին կայանալիք սահմանադրական բարեփոխումների հանրաքվեն։ -0-