ԵՐԵՎԱՆ, 18 հուլիսի. /Նովոստի-Արմենիա/. ՎՏԲ-Հայաստան Բանկն իր հաճախորդների համար գործարկել է նոր ծառայություն, հայտնում է բանկի մամուլի ծառայությունը:
Бэст միջազգային դրամական փոխանցումների համակարգի միջոցով հնարավոր կլինի դրամական փոխանցումների ուղարկել անմիջապես Visa/Mastercard/МИР քարտերին՝ թողարկված ինչպես հայաստանյան, այնպես էլ արտասահմանյան բանկերի կողմից:
Այսուհետ հնարավոր է ՎՏԲ-Հայաստան Բանկի 71 մասնաճյուղերից Бэст միջազգային դրամական փոխանցումների համակարգի միջոցով կատարել դրամական փոխանցումներ ողջ աշխարհով՝ անմիջապես փոխանցումը ստացողի Visa / Mastercard / МИР քարտերին:
Ինչպես նշվում է հաղորդման մեջ, ՎՏԲ-Հայաստան Բանկի հաճախորդները կարող են օգտվել նաև «Հեռախոսային բանկ» ծառայությունից, որի շնորհիվ ցանկացած պահի ու ցանկացած վայրից կարելի է զանգահարել Բանկի Կոնտակտային կենտրոն և ուղարկել դրամական փոխանցումներ առանց մասնաճյուղ այցելելու:
Փոխանցում կատարելու համար բավական է իմանալ ստացողի քարտի մասին հետևյալ տեղեկությունները`
քարտի տեսակը (Visa/Mastercard/МИР),
քարտի համարը,
ստացողի ԱԱՀ,
քարտի թողարկման երկիրը:
Փոխանցումները կատարվում են ռուսական ռուբլով (ավտոմատ կերպով փոխարկվելով փոխանցումը ստացողի քարտի արժույթի) հետևյալ միջնորդավճարով՝
• 1%՝ ռուսական բանկերի կողմից թողարկած քարտերին փոխանցումներ կատարելու դեպքում
• 2%՝ արտասահմանյան բանկերի կողմից թողարկած քարտերին փոխանցումներ կատարելու դեպքում
Փոխանցումները հասանելի են դառնում փոխանցումը ստացող հաճախորդի քարտին հաշված րոպեների ընթացքում և կարող են օգտագործվել թե' կանխիկ, թե' անկանխիկ եղանակով:
Ծառայության մասին մանրամասն տեղեկություն կարելի է ստանալ
www.vtb.am Բանկի պաշտոնական կայքում, մասնաճյուղերում և Կոնտակտային կենտրոնում` 87-87 հեռախոսահամարով:
«ՎՏԲ-Հայաստան Բանկ» ՓԲԸ–ն ՎՏԲ միջազգային ֆինանսական խմբի մասնակից է դարձել 2004թ. ապրիլին: «ՎՏԲ Բանկ» ԲԲԸ–ն «ՎՏԲ-Հայաստան Բանկ» ՓԲԸ–ի 100% բաժնետոմսերի փաթեթի միանձնյա բաժնետերն է։ Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ:–0–