ԵՐԵՎԱՆ, 10 նոյեմբերի. /Նովոստի–Արմենիա/. Ուսանողները Երևանում մի քանի օր է` բողոքի ակցիա են անցկացնում բանակից «Զինվորական ծառայութւյան և զինծառայողի կարգավիճակի մասին» օրինագծով նախատեսված տարկետման իրավունքի չեղարկման դեմ։
«Զինվորական ծառաության և զինծառայողի կարգավիճակի» մասին օրինագծով նախատեսվում է սահմանափակել տարկետման իրավունքը պետպատվերով սովորող ուսանողների համար։ Հոկտեմբերի 27–ին Հայաստանի խորհրդարանն առաջին ընթերցմամբ ընդունեց այդ նախագիծը։ Այն դարձել է հասարակական դժգոհության ալիքի պատճառ։
Ուրբաթ առավոտյան ուսանողները հավաքվել են Երևանի պետական համալսարանի գլխավոր մասնաշենքի մոտ և շարունակում են բոյկոտել պարապմունքները` հայտարարելով, որ մտադիր են ուղղվել դեպի Ազգային ժողովի շենք։
«Մենք պետք է ամրապնդենք մեր շարքերը, նոր խմբեր ներգրավենք։ Այսօր խորհրդարանական հանձնաժողովը կքննարկի այդ օրենքը, և մենք այնտեց կլինենք, պետք է մասնակցենց այդ քննարկմանը»,– ասաց «Հանուն գիտության զարգացման» նախաձեռնության անդամ Դավիթ Պետրոսյանը։
Ուսանողները երթով անցել են ԵՊՀ բոլոր մասնաշենքերով։
Загружается новость ...
"Право"
Նախօրեին կայացել է ուսանողության ներկայացուցիչների հանդիպումը վարչապետ Կարեն Կարապետյանի հետ, սակայն հանդիպման ավարտին ընդհանուր հայտարարի գալ չի հաջողվել։ Դավիթ Պետրոսյանը պարզաբանել է, որ վարչապետը նրանց առաջարկել է ներկայացնել օրենքի վերաբերյալ ուսանողների պահանջներն Ազգային ժողովում դրա վերջնական հաստատումից հետո։ «Իսկ մենք կարծում ենք, որ դրանք պետք է դիտարկվեն նախապես և միանգամից ընդգրկվեն վերջնական օրինագծում։ Միայն այդ ժամանակ այն կարող է ընդունվել»,– ասել է Պետրոսյանը։
Նոր օրինագծով առաջարկվում է պարտադիր զինվորական ծառայության զորակոչից ուսումնառության նպատակով տարկետում տրամադրել միայն այն դեպքում, եթե Հայաստանում հավատարմագրված բարձրագույն ուսումնական հաստատություններում բակալավրի, կամ դիպլոմավորված մասնագետի, կամ ինտեգրված կրթական ծրագրով սովորող քաղաքացին պաշտպանության նախարարության հետ կնքում է քաղաքացիաիրավական բնույթի պայմանագիր՝ ուսումնառության ընթացքում ռազմական պատրաստություն անցնելու և ուսումնառության ավարտից հետո պաշտպանության նախարարության կողմից նշված վայրում և պայմաններում զինվորական ծառայություն անցնելու մասին, սակայն այս պարագայում այդ ուսանողները 2-ի փոխարեն կծառայեն 3 տարի ժամկետով։ –0–