Ցուցարարները փակել են երթևեկությունը Երևանի ՊՊԾ գրավված գնդի մոտ

ԵՐԵՎԱՆ, 20 հուլիսի. /Նովոստի-Արմենիա/. Ցուցարարներն արգելափակել են երթևեկությունը Երևանում պարեկապահակային ծառայության զավթած գնդի մոտ։

Իրավապահներն առայժմ ոչ մի կերպ չեն արձագանքում այդ գործողություններին։ Ավելի վաղ ոստիկանությունը լրացուցիչ ուժեր էր տեղափոխել գնդի հարակից տարածք։

Հուլիսի 17–ին` լուսադեմին, մի խումբ զինված անձինք մուտք են գործել ՀՀ ոստիկանության պարեկապահակային ծառայության գնդի տարածք և բռնության սպառնալիքով պահում են այնտեղ գտնվող անձանց, որոնց թվում են` ՀՀ փոխոստիկանապետ Վարդան Եղիազարյանն ու Երևանի փոխոստիկանապետ Վալերի Օսիպյանը, ովքեր գնացել են այնտեղ բանակցություններ վարելու համար։ Հարձակման ժամանակ զոհվել է գնդապետ Արթուր Վանոյանը, տարբեր վիրավորումներով հոսպիտալացվել է 6 մարդ` 5 ոստիկան և մեկ հարձակվող։

ՊՊԾ գնդի շենքը զավթած անձինք պահանջում են ազատել «Հիմնադիր խորհրդարան» արմատական ընդդիմադիր շարժման առաջնորդ Ժիրայր Սեֆիլյանին, ով կալանավորվել է շուրջ մեկ ամիս առաջ մի խումբ անձանց կողմից զենք ապօրինի պահելու կասկածանքով։ -0-