ԹԵՍՏ. Ի՞նչ գիտեք հայկական դրամի մասին

ԵՐԵՎԱՆ, 21 նոյեմբերի. /Նովոստի–Արմենիա/. Երեքշաբթի` նոյեմբերի 22–ին, լրանում է հայկական դրամի 23 տարին։ Ազգային արժույթով  խորհրդային ռուբլիները փոխարինելու գործընթացը սկսվել է 1993 թվականի նոյեմբերի 22–ին։

Այսօր համարձակ կարելի է ասել, որ, չնայած դոլարայնացման բարձր մակարդակին, դրամի նկատմամբ վստահությունը վերջին տարիներին աճել է, ինչի մասին վկայում է ազգային արժույթով բանկային ավանդների աճի դինամիկան։ Բավական է բերել միայն մեկ փաստ` 2000 թվականից ռեզիդենտների` ազգային արժույթով ավանդներն ավելացել են 36 անգամ, իսկ արժութային ավանդները նույն ժամանակահատվածում աճել են 14 անգամ։ 

Դրամի հերթական տարեդարձի նախաշեմին «Նովոստի–Արմենիա» և «ԱՌԿԱ» գործակալություններն առաջարկում են իրենց ընթերցողներին ստուգել, թե որքանով լավ են ճանաչում իրենց ազգային արժույթը։