ՌԴ միգրացիոն ծառայությունը կմշակի Պետերբուրգում միգրանտների կացության վայրերի քարտեզը

Հունվարի վերջին Սանկտ Պետերբուրգի միգրացիոն ծառայությունում և դատախազությունում կհայտնվի քաղաքի քարտեզը, որի վրա նշված կլինեն օտարերկրյա քաղաքացիների զանգվածային կացության և աշխատանքի վայրերը, երեքշաբթի լրագրողներին տեղեկացրել է Սանկտ Պետերբուրգի և Լենինգրադի մարզի միգրացիոն դաշնային ծառայության վարչության պետ Ելենա Դունաևան:

«Մենք կարծում ենք, որ հեռանկարային չէ վազել քաղաքի փողոցներով և փնտրել առանձին իրավախախտման դեպքեր, հարկավոր է համալիր կերպով և հետևողականորեն աշխատանք իրականացնել օտարերկրյա քաղաքացիների կացության վայրերի վերահսկման ուղղությամբ», - հայտարարել է Դունաևան, հաղորդում է «ՌԻԱ Նովոստին»:-0-