Պուտինը հանձնարարել է երկու ամսվա ընթացքում ստուգել բոլոր պետական ընկերություններում կոռուպցիայի փաստերի առկայությունը

ՌԴ վարչապետ Վլադիմիր Պուտինը հանձնարարել է երկու ամսում բոլոր պետական ընկերություններում ստուգել կոռուպցիոն սխեմաների առկայությունն ու օֆշորների հետ աշխատակիցների կապերը:

«Էներգետիկայի նախարարությանը, Տնտեսական զարգացման նախարարությանը, պետական ընկերությունների մասնակցությամբ ճյուղային գերատեսչություններին, «Գազպրոմին», «Տրանսնեֆտին», ՌԵ-ուն, «Սովկոմֆլոտին», ՎՏԲ-ին, Վնեշէկոնոմբանկին, «Ռոսատոմին» հանձնարարում են երկու ամսվա ընթացքում զեկուցել ձեռնարկված միջոցառումների մասին, դա Սբերբանկին էլ է վերաբերում», - ասել է Պուտինը էլեկտրաէներգետիկայի զարգացման կառավարական հանձնաժողովի նիստի ժամանակ, հաղորդում է «ՌԻԱ Նովոստին»:

Նիստի ընթացքում նա ներկայացրել է խախտումները, որոնք արձանագրել է Էներգետիկայի նախարարությունը մի շարք մարզային էներգաընկերություններում, ինչպես նաև Միասնական էներգետիկ համակարգի դաշնային ցանցային ընկերությունում և «ՌուսՀիդրոյում»: Պուտինի խոսքերով՝ բացահայտվել է, որ շատ աշխատակիցներ կապ ունեն կոմերցիոն կառույցների հետ, ինչպես նաև միջոցներն օֆշոր հանելու կոռուպցիոն սխեմաներ են բացահայտվել:-0-