Միջպետական ավիացիոն կոմիտեն (ՄԱԿ) քննչական կոմիտեին չի փոխանցել Յարոսլավում տեղի ունեցած ավիավթարի հետաքննության արդյունքները, որի հետևանքով զոհվեց «Լոկոմոտիվ» հոկեիստների թիմը, ՌԻԱ Նովոստիին է հայտնել հետաքննության մանրամասներին ծանոթ աղբյուրը:
2011թ.-ի սեպտեմբերի 7-ին Յարոսլավլի մոտ գտնվող Տունոշնա բնակավայրում վթարի ենթարկվեց Յակ-42 ինքնաթիռը՝ օդանավակայանից դեպի հյուսիս-արևմուտք 2,5 կմ հեռավորության վրա: Օդանավում 45 մարդ է եղել՝ 37 ուղևոր և անձնակազմի ութ անդամները: Ողջ է մնացել միայն օդանավի ինժեները:
Նոյեմբերի սկզբին ՄԱԿ-ը հնչեցրեց ողբերգության պատճառները: Հրապարակված արդյունքների համաձայն, ինքնաթիռը կործանվել է անձնակազմի չհամաձայնեցված գործողությունների և օդաչուների պատրաստվածության ժամանակ թույլ տված սխալների պատճառով: ՄԱԿ-ի մասնագետները տեղեկացրել են նաև, որ օդաչուներից մեկի արյան մեջ հայտնաբերվել է ռեակցիան դանդաղեցնող դեղամիջոց:
«Մենք մինչ օրս սպասում ենք ՄԱԿ-ի պաշտոնական եզրակացությանը: Հետաքննության արդյունքները նրանք հրապարակել են, իսկ մեզ ոչ մի նյութ չեն տրամադրել»,-տեղեկացրել է աղբյուրը: -0-
