«Աէրոֆլոտ» ավիաընկերությունը սկսել է թռիչքներ իրականացնել ըստ չվացուցակի Երևանի ժամանակով 11:00-ից, ՌԻԱ Նովոստիին են տեղեկացրել ընկերության մամուլի ծառայությունից:
«Մոսկվայի ժամանակով 10:00-ից աշխատանքը սկսվել է ըստ չվացուցակի»,- ասել է զրուցակիցը՝ ավելացնելով, որ երեքշաբթի ավիաընկերությունը ծրագրում է նաև ապահովել բոլոր գրանցումն անցած ուղևորներին, ովքեր չեն կարողացել թռչել դեկտեմբերի 26-ին և 27-ին:
Նա հիշեցրել է, որ դեկտեմբերի 28-ին նախատեսված 32 չվերթեր հետաձգվել են: Ընկերության մամուլի ծառայությունից ավելի վաղ հայտնել էին, որ բոլոր այն ուղևորները, ովքեր չեն ցանկանում շարունակել թռիչքը, կարող են վերադարձնել տոմսերը առանց տուգանքը մուծելու, անկախ տոմսը վերադարձնելու օրից, կամ փոխանակել տոմսը մեկ այլ օրվա տոմսի հետ: Տեղափոխման արժեքի վերադարձն իրականացվում է «Աէրոֆլոտ» ընկերության սեփական վաճառքի բոլոր դրամարկղերում:--0-
