Facebook-ում «ՌԻԱ Նովոստիի» էջը 10 հազար երկրպագու ունի

Facebook սոցիալական կայքում «ՌԻԱ Նովոստիի» էջը գրեթե մեկ տարվա ընթացքում 10 հազար երկրպագու է (օգտվողներ, ովքեր սեղմել են «Ինձ դուր է գալիս» կոճակը) հավաքել:

««ՌԻԱ Նովոստին՝» որպես ժամանակակից արագ զարգացող մեդիա, իր գոյությունն այլևս չի դիտարկում ավանդական ձևաչափերի՝ կայքի, ժապավենի, բջջային ներդիրի շրջանակներում: Այսօր սոցիալական կայքերում մեր ընթերցողների ընդհանուր թիվը մեր նյութերն ընթերցողների և դիտողների ընդհանուր թվի զգալի տոկոսն են կազմում», - նշել է «ՌԻԱ Նովոստիի» գլխավոր խմբագրի տեղակալ, մուլտիմեդիայի և նոր նախագծերի տնօրեն Նատալյա Լոսևան:

Facebook-ում «ՌԻԱ Նովոստիի» էջը հայտնվել է 2010 թ.-ի փետրվարին: Ամեն օր գործակալության աշխատակիցները էջում հրապարակում են ամենաթարմ և հրատապ լուրերը, տեսանյութերը, լուսանկաները, անցկացնում են հարցումներ:

Ավելի վաղ Twitter-ում «ՌԻԱ Նովոստիի»՝ 2009 թ.-ի ապրիլին ստեղծված էջը գրանցեց տասը հազար այցելու: Բացի այդ, «ՌԻԱ Նովոստին» էջեր ունի «ВКонтакте» սոցիալական ցանում, տարբերակներ ունի «Яндекс» և iGoogle-ի համար:

Twitter-ում և Facebook-ում «ՌԻԱ Նովոստիի» էջերը ռուսական ԶԼՄ-ների շրջանում ամենաընթերցվողներից են:-0-