Մեդվեդևը ԵԱՀԿ-ին առաջարկել է մշակել հակամարտությունների կարգավորման միասնական սկզբունքներ
ՌԴ նախագահ Դմիտրի Մեդվեդևը հայտարարում է ԵԱՀԿ-ի տարածքում հակամարտությունների կարգավորման միասնական սկզբունքների մշակման անհրաժեշտության մասին, սակայն ընդգծում է, որ դրանք պետք է գործեն նման ցանկացած իրավիճակում:
«Միգուցե, ամենակարևորը հակամարտությունների կարգավորման միասնական սկզբունքների մշակումն է, և պետք է դրանց հետամուտ լինել բոլոր ճգնաժամային իրավիճակներում, այլ ոչ թե ինչ-որ ընտրովի դեպքերում», - չորեքշաբթի հայտարարել է Մեդվեդևը՝ ելույթ ունենալով Աստանայում անցկացվող ԵԱՀԿ գագաթնաժողովի ժամանակ:
Նրա խոսքերով՝ նման սկզբունքների թվում են ուժի չկիրառումը, կողմերի կողմից համաձայնության հասնելը, համաձայնեցված բանակցությունները և խաղաղարար ձևաչափերը հարգելը, հակամարտության գոտում հայտնված քաղաքացիական բնակչության իրավունքների ապահովումը:
«Կրկնում եմ, որ նման հարցերով կարգավորումը իսկապես պետք է բացարձակ խաղաղ լինի: Ռազմական ուժի կիրառումը, ինչպես դա փորձում էր անել Վրաստանը Հարավային Օսեթիայի նկատմամբ 2008 թ.-ի օգոստոսին, բացարձակապես անթույլատրելի է», - հայտարարել է Մեդվեդևը:-0-
