«Արտեկ» ճամբարում մեկնարկել է մանկական «Նոր ալիք» մրցույթը

«Մանկական «Նոր ալիք» հանրահայտ միջազգային մրցույթը, որի եզրափակիչ համերգին ելույթ են ունենում 15 երգիչներ՝ ինը երկրից, ուրբաթ երեկոյան մեկնարկել է նախկին ԽՍՀՄ խոշոր տարածքում՝ «Արտեկ» մանկական ճամբարում։

«Արտեկ»-ի 85-ամյակին նվիրված մրցույթը «Junior –Նոր ալիք» մրցույթի փոխարինողն է դարձել, որն անցկացվել է Մոսկվայում 2008 և 2009թթ.-ին։ «Մանկական «Նոր ալիք»-ի կազմկոմիտեն ավելի քան հինգ հազար հայտ է ստացել8-15 տարեկան երգիչներից, հաղորդում է ՌԻԱ Նովոստին։

«Մրցույթը կրկին օժտված երեխաներին միլիոնավոր հանդիսատեսի առջև ելույթ ունենալու, երգելու և պարելու վարպետությունը ցուցադրելու, շոու բիզնեսի աստղերի հետ շփվելու յուրահատուկ հնարավորություն կընձեռի»,- ասվում է ՌԴ նախագահ Դմիտրի Մեդվեդևի՝ «Մանկական «Նոր ալիք» մրցույթի հյուրերին և մասնակիցներին ուղղված ողջույնի հեռագրում։ Մրցույթի ժյուրիի նախագահ, ռուս կոմպոզիտոր Իգոր Կրուտոյը փառատոնի հանդիսավոր բացման արարողության ժամանակ կարդացել է Մեդվեդևի ողջույնը։

Ռուսական պետության ղեկավարը պատանի արտիստներին նաև «հետաքրքիր շփում և վառ տպավորություններ է» մաղթել։

Կրուտոյի հետ մրցակիցներին գնահատում են ռուս և ուկրաինացի երգիչները, մասնավորապես՝ Սերգեյ Լազարևը, Ալսուն, Տիմատին, Իրինա Դուբցովան, Անի Լորակը, Վերա Բրեժնևան, Դիմա Բիլանը։

Մրցույթի հաղթողների պարգևատրումը, եզրափակիչ գալա համերգը և լազերային շոուն տեղի կունենա օգոստոսի 22-ի երեկոյան։ -0