Մոտ ապագայի տեսատեղեկատվության և կոնտենտի փոխանցման տեխնոլոգիաների նորագույն կրիչները կդառնան ուրբաթ «ՌԻԱ Նովոստիի» մամուլի կենտրոնում կայանալիք կլոր սեղանի թեման: Կլոր սեղանին կմասնակցեն խոշորագույն մեդիակորպորացիաների ղեկավարները:
«Ռուսաստանի ժամանակակից տեսաձևաչափերն ու մեդիակրիչները: Զարգացման խնդիրներն ու հեռանկարները» թեմայով կլոր սեղանը նվիրված է տեսատեղեկատվության փոխանցման հեռանկարային տեխնոլոգիաներին և տեսակոնտենտի դրամայնացման առաջադեմ փորձին: «ՌԻԱ Նովոստիի» http://rian.ru կայքում կկազմակերպվի միջոցառման հեռարձակումը:
Ելույթների և բանավեճերի թեման կդառնա տեսակոնտենտի համար նախատեսված նոր տիպի կրիչների ի հայտ գալը: Բջջային օպերատորների ներկայացուցիչները կպատմեն բջջային տեսահեռարձակման իրենց փորձի և վերջինիս զարգացման հեռանկարների մասին:
Կլոր սեղանի ընթացքում ռուսական առաջատար հրատարակությունների թոփ-մենեջերները կներկայացնեն, թե ինչպես են պատկերացնում մեդիակոնտենտի օգտագործման մոդելի փոփոխություններն ու նոր տեսաձևաչափերի կիրառմամբ գովազդային ռազմավարությունները:
Կլոր սեղանին կմասնակցեն Համառուսական պետական հեռուստառադիոհեռարձակման ընկերության (ВГТРК) գլխավոր տնօրենի տեղակալ Յուլիա Ռակչեևան, Russia Today հեռուստաալիքի գլխավոր խմբագիր Մարգարիտա Սիմոնյանը, Rutube-ի գլխավոր տնօրեն Միխայիլ Իլյիչևը և «НТВ плюс» հեռուստահոլդինգի տեխնիկական տնօրեն Օլեգ Կոլեսնիկովը, Հեռահաղորդակցության, տեղեկատվական քաղաքականության և ԶԼՄ-ներում խոսքի ազատության հանրային պալատի և կոմիտեի անդամ Իրինա Պլեշչևան, «ԷԽՈ Մոսկվիի» գլխավոր խմբագիր Ալեքսեյ Վենեդիկտովն ու «Կոմերսանտ» թերթի գլխավոր խմբագիր Ազեր Մուրսալիևը:-0-
