Երևանի համալսարանի ասպիրանտ Վահան Միսակյանը երկնաքերի նախագիծ է մշակել, որը կարող է Հայաստանի մայրաքաղաքում առաջին բարձրահարկ շենքը դառնալ, չորեքշաբթի «ՌԻԱ Նովոստիին» պատմեց երիտասարդ ճարտարապետը։
Ըստ նախագծի, բացատրեց նա, երկնաքերը բաղկացած է երեք սուր աշտարակներից՝ վերևում և հիմքում միացված կամուրջներով, որոնք կարող են օգտագործվել որպես առևտրային և այլ տիպի գոտիներ։ Ամեն աշտարակում նախատեսվում են գրասենյակներ, բնակարաններ և հյուրանոցներ։
«Նախագծի գլխավոր յուրահատկությունն է հորիզոնական և ուղղահայաց հարթությունների միջև սահուն անցումներ ստեղծելու գաղափարը։ Դրանց շնորհիվ շենքի պատերը կարծես վերև են ձգվում»,- ուշադրություն դարձրեց նախագծի հեղինակը։
Ըստ Միսակյանի՝ շենքը նախագծված է նոր՝ «կանաչ» տեխնոլոգիները հաշվի առնելով։ Նրա «խելացի» թաղանթը կոչված է վերահսկել ստացող լույսի ծավալը մեխանիկորեն բացվող միջանցքներով, որոնք կարող են նաև նպաստել բնական օդափոխությանը։
Ըստ ճարտարապետի մտահաղացման՝ կառույցը նաև պետք է սարքավորվի ջրահավաք համակարգերով, արեգակնային մարտկոցներով և հողմային տուրբիններով։ -0-
