Հեռավոր արտասահմանի ռադիոմոնիտորինգ
Խոսափողի մոտ է Յանա Լիտվինովան:
Կիրակի Լեռնային Ղարաբաղում անցկացվեցին Ազգային ժողովի ընտրությունները։ Դրան մասնակացել է ընտրողների ավելի քան 70 տոկոսը, առաջին տեղում հայտնվել է «Ազատ Հայրենիք» կուսակցությունը։ Ադրբեջանում և Թուրքիայում այդ ընտրությունները լեգիտիմ չեն համարում։
Իմ զրուցակիցը «Բի-Բի-Սի»-ի ռուսական ծառայության խմբագիր Մարկ Գրիգորյանն է։ Ընտրություններ չճանաչված հանրապետությունում՝ ու՞մ համար են դրանք կարևոր։ Ինչի՞ վրա են դրանք ազդում։
Գրիգորյան. Դրանք կարևոր են այն մարդկանց համար, ովքեր այնտեղ ապրում են։ Բուն Ղարաբաղում այդ ընտրություններին վերաբերում են որպես մի բանի, որը կարող է օգնել հանրապետության անկախության լեգիտիմիացմանը: Իսկ Ադրբեջանը հայտարարում է. դա մեր տարածքն է, այդ պատճառով ընտրություններն այնտեղ պետք է անցկացվեն մեր օրենքներով և պետք է վերահսկվեն մեր ԿԸՀ-ի կողմից, իսկ եթե դա տեղի չի ունենում, ապա դրանք անօրինական ընտրություններ են։
Լիտվինովա. Թուրքիան աջակցու՞մ է Ադրբեջանին այդ հարցում։
Գրիգորյան. Աջակցում է ոչ միայն Թուրքիան։ Եվրամիությունը հատուկ փաստաթուղթ է ընդունել, որտեղ ասում է, որ չի ճանաչում այդ ընտրությունները։ Բայց գոյություն ունի ԵԱՀԿ Մինսկի խումբը, որը զբաղվում է ղարաբաղյան հակամարտության կարգավորման միջնորդությամբ։ Եվ այդ Մինսկի խմբի համանախագահները՝ դիվագետներ ԱՄն-ից, Ռուսաստանից, Ֆրանսիայից, որոնք այդ թվում ներկայացնում են նաև Եվրամիությունը, անպայման խոսում են այն մարդկանց հետ, ովքեր ընտրված են Ղարաբաղում, նրանց տեսակետը հաշվի է առնվում և հասցվում է երկու նախագահներին։ Այնպես որ իրականության և քաղաքականության միջև հակասություն գոյություն ունի ։ -0-
