Պուտինն ուղևորվում է Սմոլենսկի մերձակայքում Տու-154 ինքնաթիռի վթարի վայր
10.04.2010,
18:19
Պուտինն ուղևորվում է Սմոլենսկի մերձակայքում Տու-154 ինքնաթիռի վթարի վայր
ՌԴ վարչապետ Վլադիմիր Պուտինն ուղևորվում է Սմոլենսկի մերձակայքում տեղի ունեցած ավիավթարի վայր, տեղեկացնում է «ՌԻԱ Նովոստին»։
«Լեհաստանի վարչապետը (Դոնալդ Տուսկ) ողբերգության վայր մեկնելու ցանկություն է հայտնել։ Ես կմեկնեմ և կդիմավորեմ նրան այնտեղ։ Մենք միասին կլինենք վթարի վայրում»,- ասել է Պուտինը ՌԴ նախագահ Դմիտրի Մեդվեդևի հետ հանդիպման ընթացքում։
Շաբաթ օրը Սմոլենսկի մարզի Պեչորսկի ծայրամասում Սևերնիյ օդանավակայանում վայրէջքի պատրաստվելիս ուժեղ մառախուղի պայմաններում վթարի է ենթարկվել Լեհաստանի նախագահի Տու-154 ինքնաթիռը: Ինքնաթիռում 132 մարդ է եղել, որոնց թվում՝ նախագահն ու իր կինը:
Նրանք մեկնում էին Կատին, որպեսզի մասնակցեն սգո միջոցառումներին քաղաքական ռեպրեսիաների զոհերի զանգվածային հուղարկավորության վայրում։ -0-
Պատճենել հղումը
