ԱՊՀ տարածքի քաղաքականությունը Ռուսաստանի համար առաջնահերթություն է. Լավրով

ԱՊՀ տարածքի քաղաքականությունը Ռուսաստանի համար առաջնահերթություն է, չորեքշաբթի հայտարարեց ՌԴ ԱԳՆ ղեկավար Սերգեյ Լավրովը «ՌԻԱ Նովոստիի» կազմակերպած Եվրոպական և ասիական մեդիաֆորումի ընթացքում:

«Մեզ համար ԱՊՀ տարածքի իրադարձություններն ու քաղաքականությունը բացարձակ արտաքին քաղաքական առաջնահերթություն են: Բայց ԱՊՀ կազմում չընդգրկված երկների հետ հարաբերությունները նույնպես կարևոր են: Մենք ընդհանուր արմատային համակարգ ունեն և այն բացառիկ հնարավորությունը, որը տրամադրվում է այս ֆորումի ընթացքում մարդասիրական համագործակցության զարգացման համար, պետք է առավելագույնս օգտագործվի»,- ասել է Լավրովը, հաղորդում է «ՌԻԱ Նովոստին»:    

Նրա խոսքով` ԱՊՀ-ում ստեղծված է մարդասիրական կառույցների ցանց, որը ԶԼՄ-ների հետ աշխատանքի հետ կապ ունի, մասնավորապես, Հումանիտար համագործակցության միջպետական խորհուրդը, Տեղեկատվական գործակալությունների ղեկավարների խորհուրդը և այլն:

«Նրանց փորձը կարելի է հաշվի առնել այսօրվա ֆրումի աշխատանքում, որն առաջին անգամ է անցկացվում Մոսկվայում: Հուսով եմ, որ այն միանվագ միջոցառում չի լինի, այլ անադույթի սկիզբ կդառնա»,- ասաց Լավրովը:

Նրա խոսքերով` ԶԼՄ-ները հատուկ դեր ունեն այն գործընթացների առաջխաղացման հարցում, որոնց կարիքը մեր պետություններն ու ժողովուրդները օբյեկտիվորեն ունեն: Լավրովը նշեց, որ հաղորդակցական տեխնոլոգիաների զարգացումը օբյեկտիվորեն խանգարում է ինչպես միջդավանաբանական, այնպես էլ գաղափարախոսական  խոչընդոտների ի հայտ գալուն:  

«Ժամանակակից աշխարհի միասնականության նպատակների առաջխաղացումը դրա մշակութային-քաղաքակրթական բազմազանության պահպանման պարագայում հստակ պատկերվում է մեր պետությունների տարածքում: Վստահ եմ, որ ձեր ֆորումը կօգնի մեր աշխատանքին: 2010 թ.-ին Ռուսաստանը կնախագահի ԱՊՀ-ում, և եթե գաղափարներ ու որոշակի նախագծեր հայտնվեն, որոնց առաջխաղացման հարցում դուք ապավինում եք կառավարության աջակցությանը, պատրաստ կլինենք քննարկել դրանք»,- ասաց Լավրովը: 

Սա հետխորհրդային երկրների ազգային ԶԼՄ-ների ներկայացուցիչների` թվով չորրորդ ամենամյա ֆորումն է: Նման հանդիպումների անցկացման նախաձեռնությամբ «ՌԻԱ Նովոստին» առաջին անգամ հանդես է եկել 2006 թ.-ին: Ամենամյա ֆորումի նպատակը ժամանակակից աշխարհում ԶԼՄ-ների առջև ծագած  խնդիրների քննարկումն է:

Դրան կմասնակցեն հետխորհդրային պետությունների առավել հեղինակավոր ու զանգվածային տպագիր ու էլեկտրոնային հրատարակությունների շուրջ 150 ղեկավարներ և գլխավոր մենեջերներ, ինչպես նաև ավելի քան 150 ռուսաստանցի հյուրեր ու մասնակիցներ:

Ֆորումի ծրագիրը նախատեսում է դրսից եկած լրագրողների լայն շփման հնարավորություն ռուս գործընկերների, ՌԴ պետական կառույցների ղեկավարների, հայտնի քաղաքական ու հասարակական գործիչների հետ: Պանելային քննարկումների, կլոր սեղանների, ԶԼՄ-ների գործունեության առանձին ուղղություններով սեկցիոն աշխատանքների ընթացքում մասնակիցները կքննարկեն արդիական մասնագիտական հարցեր ու համատեղ մուլտիմեդիոն նախագծերի հնարավորություններ: -0-