ՀԱՊԿ փորձագետները կքննարկեն ԱԱՀՈՒ-ի ձևավորման երկրորդ փուլին և գործունեությանը վերաբերող հարցերը

Հավաքական անվտանգության համակարգի ուժերի և միջոցների ձևավորումն ու գործունեությունը կարգավորող փաստաթղթերում փոփոխություններ ավելացնելու կապակցությամբ ՀԱՊԿ անդամ-պետությունների փորձագետների խորհրդակցությունները տեղի կունենան հոկտեմբերի 22-23-ը Մոսկվայում գտնվող ՀԱՊԿ միացյալ շտաբում:

«ՀԱՊԿ-ի ձևաչափում գործող իրավանորմատիվային ակտերում կատարվող լրացումները պայմանավորված են, առաջին հերթին, դրանց մեջ ՀԱՊԿ Արագ արձագանքման հավաքական ուժերի կոմպլեկտավորման առանձնահատկությունը, կիրառումը, կառավարումն ու դրանց գործունեության բազմակողմ ապահովումը հաշվի առնելու անհրաժեշտությամբ», - ասվում է ՀԱՊԿ քարտուղարության մամուլի ծառայության տեղեկատվության մեջ:

«Փորձագետները կքննարկեն հավաքական անվտանգության համակարգի ուժերի և միջոցների ձևավորման և գործունեության կարգի, նրանց կարգավիճակի, ինչպես նաև նշված ուժերի կիրառման կապակցությամբ հավաքական որոշումների ընդունման և իրագործման կարգի մասին փաստաթղթերի նախագծերը: Ծրագրվում է առանձին քննարկել ՀԱՊԿ ԱԱՀՈՒ-ն ժամանակակից և  համատեղելի սպառազինությամբ, ռազմական և հատուկ տեխնիկայով զինելու մասին հարցը», - տեղեկացրել են Կազմակերպության քարտուղարությունից:

Խորհրդատվություններին կմասնացկեն ՀԱՊԿ անդամ-պետությունների շահագրգիռ նախարարությունների և գերատեսչությունների փորձագետները:-0-