ՀԱՊԿ ԱԱՀՈՒ ավելի քան յոթ հազար զինծառայող կմասնակցի Ղազախստանում կայանալիք զորավարժություններին
Հավաքական անվտանգության պայմանագրի կազմակերպության Արագ արձագանքման հավաքական ուժերի (ՀԱՊԿ ԱԱՀՈՒ) մասնակից-երկրների ավելի քան յոթ հազար զինծառայող կմասնակցի Ղազախստանի Մատիբուլակ ուսումնական կենտրոնում կայանալիք «Փոխգործակցություն-2009» մասշտաբային զորավաժություններին, հինգշաբթի «ՌԻԱ Նովոստիին» տեղեկացրել է ՌԴ Օդա-դեսանտային զորքերի տեղեկատվության և հասարակայնության հետ կապերի ծառայության ներկայացուցիչը:
ՀԱՊԿ ԱԱՀՈՒ համատեղ համալիր զորավարժությունը (ՀՀԶ) ծրագրված է հոկտեմբերի 2-15-ը և կանցկացվի Ղազախստանի ցամաքային զորքերի «Մատիբուլակ» ուսումնական կենտրոնի տարածքում՝ Ղախաստանի «Յուգ» տարածաշրջանային հրամանատարության զորքերի հրամանատար, գեներալ-մայոր Ալիխան Ջարբուլովի գլխավորությամբ:
ՀԱՊԿ քարտուղարության տվյալների համաձայն՝ զորավարժությունը նվիրված է ԱԱՀՈՒ-ի և «Յուգ» օպերատիվ հրամանատարության զորքերի նախապատրաստմանն ու հավաքական անվտանգության տարածաշրջանում կիրառմանը: Զորավարժություններին կգործարկվեն ՀԱՊԿ անդամ-պետությունների կառավարման մարմինները, օպերատիվ խմբերը, ինչպես նաև պաշտպանության նախարարությունների, ՆԳՆ-ի, ԱԻՆ-ի և հատուկ ծառայությունների զորամասերն ու ստորաբաժանումները:-0-
