ԱՊՀ Տնտեսական խորհրդի մասնակիցները, որը կանցկացվի ուրբաթ Մոսկվայում, կքննարկեն էներգետիկայի ոլորտում ԱՊՀ պետությունների համագործակցության հայեցակարգի նախագիծը, տեղեկացրել է ԱՊՀ գործկոմի նախագահ Սերգեյ Լեբեդևը:
Նա պարզաբանել է, որ ԱՊՀ պետությունների ղեկավարների խորհուրդը էներգետիկան հայտարարել է 2009 թ.-ի ԱՊՀ երկրների համագործակցության հիմնական ուղղությունը:
«Հայեցակարգի նախագծում ամրագրված են համագործակցության նպատակներն ու հիմնական խնդիրները, սկզբունքներն ու մեխանիզմները, ինչպես նաև հեռանկարային ուղղությունները», - ասել է Լեբեդեևը՝ նշելով, որ խորհրդի նիստի ընթացքում ծրագրվում է ընդհանուր առմամբ քննարկել 20 հարց:
Նրա խոսքերով՝ նախագծի հիմքում ընկած են Ղազախստանի կողմի ներկայացրած՝ էներգետիկայի ոլորտում ԱՊՀ պետությունների հայեցակարգային մոտեցումները, ինչպես նաև Ռուսաստանի էներգետիկայի նախարարության առաջարկները:
Փաստաթղթում խնդիր է դրվում բարձրացնել էներգետիկայի արտադրության և օգտագործման արդյունավետությունը: Փաստաթղթում նաև բարձրացվում է շուկայական տնտեսության պայմաններում էներգամատակարարման հուսալիության և սպառողների էներգետիկ անվտանգության հարցը:
«Տնտեսական խորհրդի օրակարգի ևս մեկ կարևորագույն հարց կապված է «Նորարարական ոլորտում ԱՊՀ պետությունների երկարատև համագործակցության հիմնական ուղղությունների նախագծի հետ»», - նշել է Լեբեդևը:
Այս նախագծի մշակման գլխավոր նպատակը ԱՊՀ պետություններում գոյություն ունեցող նորարարական զարգացման ռազմավարությունների հիման վրա այդ ոլորտում համագործակցության հեռանկարային ուղղություններ սահմանելն է:
Նա ավելացրել է, որ խորհրդի ժամանակ կքննարկվի նաև տեղեկատվության միջպետական փոխանակման կազմակերպմանն ու հեղինակային և հարակից իրավունքների տվյալների ազգային բազաների ստեղծմանն ուղղված համագործակցության մասին համաձայնագրի նախագիծը:-0-
