Հայ պարողները ելույթ են ունեցել Սորոչինսկի տոնավաճառի ժամանակ

 Պոլտավայի «Վանք» մարզային հայկական հասարակական կազմակերպության «Ուրարտու» համույթի կոլեկտիվը ելույթ է ունեցել հայտնի Սորոչինսկի տոնավաճառի շրջանակներում անցկացվող փառատոնային օրերի ժամանակ, հաղորդւմ է analitika.at.ua ինտերնետ-հրատարակությունը:

Ինչպես նշվում է տեղեկատվության մեջ, տոնավաճառի փառատոնային օրերին մասնակցում են Պոլտավայի լավագույն համույթները: Միաժամանակ ազգային ֆոլկլորը հատուկ հետաքրքրությամբ է ընդունվում ներկաների կողմից:

«Սորոչինսկի տոնավաճառի գեղատեսիլ բնապատկերները չեն դադարում ոգեշնչել «Ուրարտուի» երեխաներին՝ սեփական ստեղծագործական կյանքում ավելի բարձր գագաթներ նվաճելու համար: Շատ հաճելի է, որ հայկական համույթի ելույթի ժամանակ հավաքվում են տոնավաճառի բոլոր մասնակիցները: Զուռնան, դուդուկը, հայկական ֆոլկլորն ավելի մեծ թվով երկրպագուներ են գրավում», - ընդգծում է հրատարակությունը:

Այս տարի «Ուրարտու» համույթը ներկայացրեց «Կինտո» պարը, որը հանդիսատեսի հիացմունքին ու բուռն ծափահարություններին արժանացավ:

«Կարելի է վստահությամբ ասել, որ նման խոշոր միջոցառման ժամանակ հայկական համույթի հաջող ելույթը էական փաստարկ է՝ Ուկրաինայի հայկական համայնքը ներկայացնելու համար», - նշում է հրատարակությունը:-0-