Լիազոր ներկայացուցիչները քննարկել են Հավաքական անվտանգության պայմանագրի կազմակերպության գործունեության հետագա կատարելագործմանն ուղղված փաստաթղթերի նախագծեր, «Նովոստի-Արմենիա» գործակալությանը հայտնեցին Հայաստանում ՀԱՊԿ Տեղեկատվական օժանդակության միջազգային հասարակական կենտրոնի ազգային ներկայացուցչությունից։
Մասնավորապես, Մշտական խորհուրդը քննարկեց Հավաքական անվտանգության խորհրդի (2009թ.) հունիսի նստաշրջանում ընդունված որոշումների իրականացման միջոցառումների ծրագրի նախագիծը։
Փաստաթուղթը ձևակերպվել է նստաշրջանի որոշումների հիման վրա և նկատի առնելով դրանք և կանոնադրական մարմինների նիստերում ՀԱՊԿ անդամ-պետությունների ղեկավարների ելույթներում հնչած առաջարկները։
Լիազոր ներկայացուցիչները քննարկեցին նաև ՀԱՊԿ անդամ պետությունների՝ տեղեկատվական անվտանգության համագործակցության դրույթների նախագիծը, որը նախապատրաստվել է 2008 թվականի հոկտեմբերի 5-ին ՀԱՊԿ անդամ-պետությունների տեղեկատվական անվտանգության համակարգի ձևավորման վերաբերյալ համատեղ գործողությունների Ծրագրի իրականացման շրջանակներում և նկատի առնելով ՀԱՊԿ անվտանգության խորհուրդների քարտուղարների՝ տեղեկատվական քաղաքականության և անվտանգության հարցերով կոմիտեին առընթեր ժամանակավոր աշխատանքային խմբի առաջարկությունները։
Փաստաթուղթը սահմանում է այս ոլորտում համագործակցության իրավական, քաղաքական և կազմակերպչական հիմքերը։
Մշտական Խորհրդի որոշմամբ՝ փաստաթղթերն ուղարկվել են ՀԱՊԿ անդամ-պետություններ՝ համաձայնեցման ընթացակարգի անցկացման նպատակով։ -0-
