ՀԱՊԿ-ն չի հետաձգի Հավաքական ուժերի ստեղծումը մի շարք երկրների չմասնակցելու պատճառով. ՌԴ ԱԳՆ

Հավաքական անվտանգության պայմանագրի կազմակերպությունը չի հետաձգի Արագ արձագանքման հավաքական ուժերի (ԱԱՀՈՒ) ստեղծումը մի շարք երկրների՝ դրանց ձևավորմանը մասնակցել չցանկանալու պատճառով, հինգշաբթի Մոսկվայում հայտարարեց ԱԳՆ պաշտոնական ներկայացուցիչ Անդրեյ Նեստերենկոն։

Ինչ  վերաբերում է հունիսի 14-ին Մոսկվայում ՀԱՊԿ գագաթնաժողովին Բելառուսի չմասնակցելուն՝ բելառուսական կաթնամթերքի՝ ՌԴ մատակարարելու վեճը կարգավորված չլինելու պատճառով, դիվանագետը նշեց, որ «Մինսկի դեմարշը հակասում էր նրա ավանդական կառուցողական մասնակցությանը ՀԱՊԿ գործունեությանը»։

ԱԳՆ ներկայացուցիչը կրկնեց ռուսաստանյան կողմի դիրքորոշումն այն մասին, որ Ռուսաստանի և Բելառուսի երկկողմ հարաբերությունները չպետք է արտացոլվեն բազմապլան կազմակերպության գործունեության վրա։

«Միաժամանակ մենք ուշադրություն ենք դարձրել բելառուսական կողմի այն հայտարարություններին, որ նա հարգանքով է ընկալում ՀԱՊԿ անդամ-պետությունների կողմից ստորագրված փաստաթղթերը և փաստացի իրենց ավելի ուշ միանալու իրավունք է վերապահում»,- հայտարարեց Նեստերենկոն։ -0-

Արագ արձագանքման հավաքական ուժերի ստեղծման մասին որոշումն ընդունվել է ՀԱՊԿ Հավաքական անվտանգության խորհրդի փետրվարի 4-ի մոսկովյան արտահերթ նստաշրջանի ժամանակ։

ԱԱՀՈՒ-ն բաղկացած կլինի երկու մասից։ Դրանցից առաջինը զորային բաղկացուցիչն է, որտեղ Ռուսաստանը կունենա մեկ օդադեսանտային դիվիզիա և մեկ դեսանտագրոհային բրիգադ։

ԱԱՀՈՒ-ի երկրորդ մասը կկազմեն հատուկ նշանակության ուժերը, որոնք կհատկացվեն իրավապահ մարմինների հատուկ ստորաբաժանումների և ահաբեկչության, կազմակերպված հանցավորության, թմրամիջոցների շրջանառության կանխմանն ուղղված միջոցառումների անցկացման հատուկ ծառայությունների թվից։ --0--