Պոդմոսկովյեում ձերբակալվել է այսպես կոչված «օրենքով գողը»

ԵՐԵՎԱՆ, 17 հունիսի. /Նովոստի-Արմենիա/. Երկուշաբթի ոստիկանները Դոլգոպրուդնի քաղաքում ձերբակալել են Աբխազիայի մի բնակչի, ում անվանում են «օրենքով գող», չորեքշաբթի «ՌԻԱ Նովոստիին» հայտնեց Մոսկվայի շրջանի ՆԳՔՎ տեղեկատվության և հասարակայնության հետ կապերի վարչության պետ Եվգենի Գիլդեևը։

Նրա խոսքերով՝ «Մակ» օպերացիայի ժամանակ Լիխաչյովի մայրուղում օպերատիվ աշխատակիցները ձերբակալել են մի տղամարդու՝ 3 գրամ մետադոն հայտնաբերելով նրա ավտոմեքենայում։

«Ձերբակալվել է այսպես կոչված «օրենքով գողը», որը հայտնի է որպես Վալերա Աբխազացի։ Նա 1971 թվականի ծնված Աբխազիայի բնակիչ է»,- ասաց Գիլդեևը։

Տվյալ փաստով հարուցվել է քրեական գործ ՌԴ ՔՕ 228 հոդվածով (թմրամիջոցների, հոգեմետ և նմանատիպ նյութերի ձեռքբերում, պահում, փոխադրում, պատրաստում, վերամշակում), որը նախատեսում է առավելագույն պատիժ 10 տարի ազատազրկմամբ։ -0-