ՀԱՊԿ գլխավոր քարտուղար Բորդյուժան երկօրյա աշխատանքային այցով կայցելի Տաջիկստան

Հավաքական անվտանգության պայմանագրի կազմակերպության (ՀԱՊԿ) գլխավոր քարտուղարը հինգշաբթի առավոտյան երկօրյա աշխատանքային այցով կժամանի Տաջիկստան, «ՌԻԱ Նովոստին» է տեղեկացրել Տաջիկստանի ԱԳՆ-ի Տեղեկատվության դեպարտամենտի ներկայացուցիչը։

Նրա տվյալներով՝ Բորդյուժայի այցի նպատակը ՀԱՊԿ Խորհրդի արտահերթ նիստի իրագործման ընթացքի և Արագ արձագանքման հավաքական ուժերի ստեղծման քննարկումն է։

Այցի ընթացքում ծրագրված են Կազմակերպության Գլխավոր քարտուղարի հանդիպումները Տաջիկստանի Անվտանգության խորհրդի քարտուղար Ամիրկուլ Ազիմովի, Տաջիկստանի ԱԳ նախարար Խամրոխոն Զարիֆիի, պաշտպանության նախարար Շերալի Խայրուլաևի, Տաջիկստանի Ազգային անվտանգության պետական կոմիտեի նախագահ Հայրիդին Աբդուրախիմովի, ինչպես նաև Տաջիկստանի ՆԳ նախարար Աբդուրախիմ Կախարովի, Տաջիկստանի Արտակարգ իրավիճակների կոմիտեի նախագահ Գայբուլո Լատիպովի հետ։

Սպասվում է, որ նրանց հետ Բորդյուժան կքննարկի տարածաշրջանում և Աֆղանստանում տիրող ռազմաքաղաքական իրավիճակը։-0-