Մոսկվայի դատարանը ծայրահեղական է համարել Մոսկվայի քրեական հետախուզության նախկին պետի գրած գիրքը

Մոսկվայի Մեշչանսկու մարզային դատարանը բավարարել է Ա. Իվանովի «Պատասխան Պատրիարքին», Յու. Ֆեդոսեևի «Քսենոֆոբիա կամ ինքնապաշտպանություն» բրոշյուրները, ինչպես նաև Վ. Եմելյանովի «Հրեական ազգայնամոլություն և արտադրության ասիական միջոցը» գրքերը ծայրահեղական ճանաչելու մասին դատախազի պահանջները, երեքշաբթի հաղորդել է Մոսկվայի դատախազության մամուլի ծառայությունը։

Ազգաբանական-սոցիոլոգիական-հոգեբուժական փորձաքննության եզրակացության համաձայն՝ այդ «նյութերը կարող են նպաստել ազգային խտրականության, էթնոազգայնամոլության և նացիզմի» գաղափարների ձևավորմանը, հաղորդում է «ՌԻԱ Նովոստին»։

Գերատեսչության տվյալների համաձայն՝ այդ տպագիր հրատարակություններն ուղղված են ծայրահեղական գործունեության իրականացմանը՝ կրոնական անհանդուրժողականության և պառակտման դրսևորմանը։ Դատարանն ամբողջովին բավարարել է դատախազի պահանջները։

Հայտնի է, որ այդ հրատարակություններից մեկի հեղինակը՝ Յուրի Ֆեդոսեևը, 1991-1994 թթ.-ին զբաղեցրել է Մոսկվայի քրեական հետախուզության պետի պաշտոնը, նա ոստիկանության գնդապետ է։ Իր գրքում Ֆեդոսեևը խորհում է Ռուսաստանում հրեաների և «կովկասցիների» ճնշիչ ազդեցության շուրջ։-0-