Մոսկվայում տաքացվելու են մայթերը
ԵՐԵՎԱՆ, 21 ապրիլի. /Նովոստի-Արմենիա/. Մայթերի տաքացման համակարգն ակտիվորեն ներդրվելու է Մոսկվայում՝ «2010-2014 թթ.-ին Մոսկվայի էներգախնայող բնակարանաշինությունը և մինչև 2020 թ.-ի հեռանկարները» քաղաքային ծրագրի շրջանակներում, երեքշաբթի ասվում է Մոսկվայի կառավարության նիստի համար պատրաստված նյութերում, հաղորդում է «ՌԻԱ Նովոստին»։
Փաստաթուղթը, մասնավորապես, նախատեսում է «ջերմակիր համակարգերի, ինչպես նաև էներգիայի ավանդական աղբյուրներ և երկրորդական էներգետիկ ռեսուրսներ օգտագործող համակարգերի, այդ թվում նաև ձնահալման համար տնամերձ տարածքների տաքացման համակագրերի, մայթերի տաքացման համակարգերի լայն ներդրում, նախագծում և կառուցում»։
Բացի այդ, նախատեսված ծրագրի շրջանակներում ծրագրվում է Մոսկվայի բնակելի տների միջանցքներում, ինչպես նաև հասարական շենքերում կիրառել էներգախնայող լամպեր, որոնք զինված են շարժման դետալներով. լամպերը կմիանան միայն մարդկանց՝ շենք մտնելու դեպքում։
Մոսկվայի իշխանությունները մտադիր են կիրառել նոր տեխնոլոգիաներ՝ պատուհանների և պատշգամբների դռների ապակիների պատրաստման համար, որոնք որքան հնարավոր է քիչ քանակությամբ ջերմություն բաց թողնելու հատկություն ունեն։-0-
