Ռուսաստանը Հայաստանին 500 միլիոն դոլարի չափով կայունացնող վարկ կտրամադրի. Կուդրին
Ռուսաստանը Հայաստանին 500 միլիոն դոլարի չափով կայունացնող վարկ կտրամադրի՝ գլոբալ ֆինանսական ճգնաժամի հետևանքները հաղթահարելու համար, չորեքշաբթի տեղեկացրել է ՌԴ փոխվարչապետ, ՌԴ ֆինանսների նախարար Ալեքսեյ Կուդրինը։
Լոնդոնում ելույթ ունենալով բրիտանական գործարար շրջանակների ներկայացուցիչների առջև՝ նա նշել է, որ Ռուսաստանը պատրաստ է աջակցություն ցուցաբերել ԱՊՀ երկրներին։
«Մենք կօգնենք հարևան երկրներին, որոնց հետ աշխատում ենք», - ասել է Կուդրինը, հաղորդում է «ՌԻԱ Նովոստին»։
Այդ երկրների թվում նա նշել է Բելառուսը, ում հատկացվում է 2 միլիարդ դոլար, Ղրղզստանը, ով կստանա ավելի քան 2 միլիարդ և Հայաստանը, ում կհատկացվի 500 միլիոն դոլար։
«Այժմ մեզ դիմում են նաև այլ երկրներ», - ավելացրել է նախարարը։
Հունվարի վերջին Կուդրինը տեղեկացրել էր, որ Հայաստանը դիմել է Ռուսաստանին՝ կայունացնող վարկի խնդրանքով։ Փոխառության հնարավոր գումարը չէր հրապարակվում։-0-
