Գեորգի Գարանյանը և The Puppini sisters տրիոն կկատարեն Jingle bells-ը Նոր Տարվա նախաշեմին

Հայտնի սաքսոֆոնահար և դիրիժոր Գեորգի Գարանյանը և նրա Բիգ-բենդը երեքշաբթի Մոսկվայի Կոնսերվատորիայի մեծ համերգասրահում հանդես կգան Merry Cristmas - Jazz! համերգով՝ The Puppini sisters վոկալ տրիոյի մասնակցությամբ, «ՌԻԱ Նովոստիին» տեղեկացրել են կազմակերպիչները։

«Մաեստրոյի Բիգ-բենդի նվագակցությամբ տրիոն կկատարի մի քանի սերունդների հիթեր՝ Mr. Sandman, Boogie Woogie, In the mood, I will survive։ Եվ, իհարկե, երեկոյի ընթացքում չի կարող չհնչել Jingle bells-ը, չէ՞ որ համերգը տոնական է», - պատմել են կազմակերպիչները։

Տրիոն Ռուսաստանում առաջին անգամ է համերգ տալիս։ Մարսելա Պապինին, Ստեֆանի Օ'Բրայենն ու Քեյթ Մալինզը կայցելեն Մոսկվա նախատոնական օրերին՝ Մոսկվայի ֆիլհարմոնիայի և մաեստրո Գարանյանի հրավերով։

The Puppini sisters իտալաբրիտանական տրիոն աստղային կարգավիճակ է ստացել ստեղծումից անմիջապես հետո։ Պապինին, Օ'Բրայենն ու Մալինզը բեմ են դուրս եկել 2004 թ.-ին, այս պահի դրությամբ թողարկել են երկու ալբոմ՝ Betcha Bottom Dollar և The Rise & Fall Of Ruby Woo և դարձել են ամենահայտնի ջազային փառատոնների մշտական մասնակիցներ։-0-