Մեդվեդևը հոբելյանի կապակցությամբ շնորհավորել է ՄՊՀ-ի օտար լեզուների ֆակուլտետի դեկան Տեր-Մինասովային
ԵՐԵՎԱՆ, 25 օգոստոսի. /Նովոստի-Արմենիա/. Ռուսաստանի նախագահ Դմիտրի Մեդվեդևը հոբելյանի կապակցությամբ շնորհավորել է լեզվաբան, ՄՊՀ-ի օտար լեզուների և երկրաբանության ֆակուլտետի դեկան Սվետլանա Տեր-Մինասովային, հայտնում է ՌԻԱ Նովոստին՝ հղում անելով Կրեմլի կայքին։
«Ձեր գիտական գործունեությունը նվիրված է հարուստ ավանդույթներ ունեցող հայրենական լեզվաբանական դպրոցի զարգացմանը։ Ստեղծելով նոր ֆակուլտետ՝ Դուք, իրականում, կյանքի ուղեգիր եք տվել լեզուներ դասավանդելու՝ տարբեր ժողովուրդների մշակույթի ու պատմության հետ անքակտելի կապ ունեցող հեռանկարային ուղղությանը»,- ասվում է Կրեմլի կայքում տեղակայված շնորհավորական ուղերձում։
Նախագահը նշել է, որ մեծ հասարակայնություն են վայելում Տեր-Մինասովայի ինքնատիպ հեղինակային մեթոդիկայով գրված դասագրքերը։
«Ձևով թեթև և գրավիչ, բովանդակությամբ խորը, դրանք լավագույն ձեռնարկներն են օտար լեզու սովորող ուսանողների համար։ Եվ իհարկե, մեծ հարգանքի է արժանի Ձեր կատարած ահռելի աշխատանքը ռուսերենի և ռուսական մշակույթի առաջխաղացման գործում»,- ասված է շնորհավորական ուղերձում։
Մեդվեդևն ընդգծել է հետազոտական և լուսավորչական գործունեության կարևորությունը և հոբելյարին մաղթել է «հաջողություններ, առողջություն, շնորհապարտ սաներ և ամենայն բարիք»։-0-
