Սոչիի բնակիչները Օլիմպիադա-2014-ի խորհրդանիշ են ընտրել դելֆինը
Սոչիի բնակիչները Օլիմպիադա-2014-ի խորհրդանիշ են ընտրել դելֆինը, ՌԻԱ Նովոստիին հայտնել է Սոչի քաղաքի վարչակազմի ներկայացուցիչը, որտեղ անցկացվելու են Օլիմպիական խաղերը։
«Քվեարկությունն անցկացվել է մարտի 2-ին՝ քաղաքի բոլոր ընտրատեղամասերում»,-ասել է գործակալության զրուցակիցը։
Քաղաքի իշխանությունների կազմակերպած այս միջոցառման մասին խոսելիս՝ նա հիշեցրել է, որ 270 հազար ընտրողներին նախապես տրամարդրվել են կտրոններ՝ չորս խորհրդանիշերի՝ Ձմեռ պապի, դահուկներով փաթիլների, դելֆինի և սպիտակ արջի պատկերներով։
«Սոչիի բնակիչների հիմնական մասն իր ձայնը տվել է Սև ծովի խորհրդանիշ դելֆինին»,-ասել է գործակալության զրուցակիցը;
Անցյալ տարի Միջազգային օլիմպիական կոմիտեի 119-րդ նստաշրջանի ժամանակ, որն անցկացվեց Գվատեմալայում, Սոչին ձմեռային խաղեր-2014-ն ընդունելու իրավունք է ստացել։ Օլիմպիադայի համար պայքարում Սոչին առաջ է անցել մրցակից Զալցբուրգից (Ավստրիա) և Պխենչխանից (Հարավային Կորեա)։-0-
