ԵՐԵՎԱՆ, 22 փետրվարի./Նովոստի-Արմենիա/. Ռուսաստան ժամանող ԱՊՀ երկրների քաղաքացիները պետք է պաշտպանված լինեն օտարատյացությունից, հայտարարեց ՌԴ նախագահ Վլադիմիր Պուտինը՝ ուրբաթ Մոսկվայում բացելով ԱՊՀ ոչ պաշտոնական գագաթնաժողովը։
«Մենք բոլորս հրաշալի հասկանում ենք, որ ազգայնամոլության և օտարատյացության արտահայտումներն ուղղակիորեն կապված են այն հանգամանքի հետ, թե ինչպես են իշխանությունները կարգավորում միգրացիայի հիմնախնդիրը։ Այդ իսկ պատճառով մենք տնտեսության, փոքր բիզնեսի բնագավառների վերաբերյալ որոշումներ կայացնելիս ղեկավարվել ենք այն մոտեցումներով, որ ԱՊՀ քաղաքացիները, որոնք ժամանում են Ռուսաստան, պաշտպանված լինեն»,- ասաց ՌԴ նախագահը, հաղորդում է «ՌԻԱ նովոստին»։
Նրա խոսքերով, ԱՊՀ երկրների քաղաքացիները հաճախ են բախվում օտարատյացության արտահայտումներին, իրենց կյանքին ոտնձգություններ կատարելու դեպքերի հետ։
«Մենք ցավում ենք դրա համար, և կանենք ամեն ինչ, որպեսզի հանցագործները գտնվեն և պատժվեն։ Մենք այս երևույթի դեմ պայքարելու ենք ամեն օր և մշտապես»,- վստահեցրեց ՌԴ նախագահը։--0—
