Մոսկվայի Հայ առաքելական եկեղեցու Ռուսաստանի թեմը կունենա եկեղեցական համալիր
Մոսկվայի կենտրոնում կկառուցեն եկեղեցի և Հայ առաքելական եկեղեցու Նոր-Նախիջևանի և Ռուսաստանի թեմի առաջնորդի նստավայրը, տեղեկացրել է «ՌԻԱ Նովոստիին» քաղաքային վարչության աղբյուրը։
«Մոսկվա քաղաքի կառավարության հանձնարարականի համաձայն՝ Տրիֆոնովսկայա փողոցում գտնվող 1,32 հեկտար հողատարածքի վրա ծրագրվում է մոտակա երկու տարում կառուցել բազմաֆունկցիոնալ համալիր՝ Մայր տաճարով, մատուռով, լուսավորչական կենտրոնով, գրադարանով, նիստերի դահլիճով, թանգարանով, նահապետական նստավայրով, ճաշասենյակով, հյուրասենյակով», -պատմել է գործակալության զրուցակիցը։
Նրա խոսքերով, շինարարությունը իրականացվելու է Հայ առաքելական եկեղեցու Նոր-Նախիջևանի և ռուսական թեմի կրոնական կազմակերպության միջոցների հաշվին, ինչպես նաև անհատների և իրավաբանական անձանց կամավոր նվիրատվությունների հաշվին։
Կարևոր կառույցներից մեկը՝ տաճարը կառուցվելու է հրապարակի անկյունային մասում՝ ձևավորելով սյունաշարի ստորոտ և նայելու է դեպի Օլիմպիական պողոտա և Տրիֆոնովսկայա փողոց։ Ենթադրվում է, որ տաճարի բարձրությունը կլինի 50 մ-ից ոչ բարձր, այն կարող է ընդունել մոտ հազար հավատացյալ։
Շինարարության նախագծով նաև ծրագրվում է կառուցել ստորգետնյա ավտոկայանատեղի՝ 165 մեքենաների համար։-0-
