Արտաշես Թերզյանը դուրս է գալիս «Տրաստ» հոլդինգի բաժնետերերի կազմից

«Տրաստ» բանկային հոլդինգի բաժնետեր («Տրաստ» ներդրումային բանկի և «Տրաստ» ազգային բանկի բաժնետոմսերի փաթեթի տերը) Արտաշես Թերզյանը վաճառում է իր փաթեթն այս կառույցի երեք հիմնական տերերին՝ Իլյա Յուրովին, Նիկոլայ Ֆետիսովին և Սերգեյ Բելյաևին, ասվում է հոլդինգի մամուլի հաղորդագրության մեջ, հաղորդում է «ՌԻԱ Նովոստին»։

««Տրաստ» բանկային հոլդինգի հիմնական սեփականատերերը հայտարարում են «Տրաստի» նախկին բաժնետեր Արտաշես Թերզյանի բաժնետոմսերը գնելու նպատակով տարվող բանակցությունների ավարտի մասին։ Թերզյանի բաժնետոմսերի ողջ փաթեթը կգնեն հոլդինգի հիմնական ռուս բաժնետերերը՝ Իլյա Յուրովը, Նիկոլայ Ֆետիսովը և Սերգեյ Բելյաևը», - ասվում է հաղորդագրության մեջ։

Վաճառված բաժնետոմսերի փաթեթի ծավալը և գործարքի գինը չեն հրապարակվում։ Նշվում է միայն, որ երեք բաժնետերերը այժմ ղեկավարում են ողջ հոլդինգի բաժնետոմսերի ավելի քան 85 տոկոսը։

Վերջին կես տարվա ընթացքում սա «Տրաստի» կառույցում արդեն երկրորդ լուրջ փոփոխությունն է՝ 2007 թ.-ի նոյեմբերին Merrill Lynch բանկը գնեց բաժնետոմսերի մոտ 10 տոկոսը։

Մամուլի հաղորդագրության մեջ մեջբերվում են Յուրովի խոսքերը, որը կարծում է, որ բաժնետերերի այժմյա կառույցը օպտիմալ է և դժվար թե փոփոխության ենթարկվի մոտակա երկու-երեք տարիների ընթացքում։

 2008 թ.-ի կեսին կավարտվի  Ազգային բանկի (ԱԲ) և «Տրաստ» ԱԲ-ի միավորումը մեկ միասնական բանկի։

«Տրաստ» ԱԲ-ն մտնում է ՌԴ ԿԲ-ի կողմից հրապարկվող եռեսուն խոշորագույն ռուսական բանկերի ցանկ մեջ։-0-