Դրամաշորթության կասկածանքով Մոսկվայում լրագրող է ձերբակալվել
Դրամաշորթության կասկածանքով Մոսկվայում ձերբակալվել է մայրաքաղաքի հրատարակչություններից մեկի լրագրողը, երեքշաբթի «Նովոստի-Արմենիա» գործակալությանն է տեղեկացրել Մոսկվա քաղաքի ներքին գործերի գլխավոր վարչության տնտեսական հանցագործությունների դեմ պայքարի վարչության մամուլի ծառայության ղեկավար Ֆիլիպ Զոլոտնիցկին։
«Լրագրող Ֆելիքս Մեդվեդևը ձերբակալվել է «Բազովի էլեմենտ» խմբի մեջ մտնող ընկերությունների ղեկավարներից մեկի գրասենյակում, երբ նրան փոխանցում էին 42 հազ. դոլար, որոնք, հետաքննության վարկածով, նա շորթում էր վարկաբեկող նյութերը չհրապարակելու համար», - ասել է Զոլոտնիցկին։
Մոսկվա քաղաքի ներքին գործերի գլխավոր վարչության ներկայացուցիչը նշել է, որ ավելի վաղ ձերբակալված Մեդվեդևը հանդիպել է գործարարի հետ և պահանջել, որ նա յուրաքանչյուր ամիս իրեն վճարի 10 հազ. դոլար թերթում վարկաբեկող նյութերը չհրապարակելու համար։
Զոլոտնիցկու խոսքերով, ձեռնարկատերը առաջարկել է նրան իջեցնել գինը և միանգամից վեց ամսվա համար վճարել 42 հազ. դոլար։ Դրանից հետո, գործարարը դիմել է ոստիկանություն, և լրագրողը ձերբակալվել է նախօրեին՝ գումարը ստանալուց։
Մեդվեդևի նկատմամբ հարուցվել է գործ ՌԴ ՔՕ-ի 30 և 150 հոդվածներով (խարդախության պատրաստում)։-0-
