Ռյազանից մի վարորդ կասկածվում է հինգմետրանոց կամուրջը հափշտակելու մեջ

ԵՐԵՎԱՆ, 30 օգոստոսի./Նովոստի-Արմենիա/. Ռյազանի շրջանից մի վարորդ կասկածվում է հինգմետրանոց մետաղյա կամուրջը հափշտակելու մեջ։ Կամուրջն  անցնում էր Շիլովյան շրջանով անցնող գետի վրայով, «ՌԻԱ Նովոստիին» հաղորդեց Ռյազանի շրջանի ՆԳՎ մամուլի ծառայության աշխատակիցը։

«Զադուբրովյե գյուղի տարածքում հափշտակվել է Յարոսլավկա գետի վրայով անցնող հինգմետրանոց մետաղյա կամուրջը, բայց ձեռնարկված օպերատիվ-հետախուզական միջոցառումների արդյունքում հաջողվել է գտնել գողի հետքը»,- ասաց նա։

Նրա խոսքերով, կամրջի հափշտակության մեջ կասկածվում է կոմունալ ձեռնարկության 45-ամյա մի վարորդ։ Հետաքննությունը ենթադրում է, որ ծառայողական տրանսպորտի օգնությամբ վարորդը հափշտակել է կամուրջը, այնուհետև սղոցով կտոր-կտոր արել, որպեսզի հետո հանձնի մետաղի ընդունման կետ։

«Սա այս տարվա ամենախոշոր գողությունն է»,- ավելացրեց մամուլի ծառայության աշխատակիցը, նշելով, որ ոստիկանությունը ստուգումներ է անցկացնում։ --0—