Դատախազությունը պարզաբանում է, թե ռեժիսոր Տիգրան Քեոսայանը հրահրել է արդյոք ազգային երկպառակություն

ԵՐԵՎԱՆ, 28 օգոստոսի./Նովոստի-Արմենիա/. Մոսկվայի կենտրոնական շրջանի դատախազությունը քննություն է անցկացնում պարզելու համար, թե արդյոք ռեժիսոր Տիգրան Քեոսայանի գործողություններում առկա էր հանցավորության կազմ՝ նախատեսված ՌԴ ՔՕ 282 հոդվածով (ազգային երկպառակության հրահրում). չորեքշաբթի նրան հարցաքննության են կանչել քննիչի մոտ, «ՌԻԱ Նովոստիին»  հաղորդեց Քեոսայանի շահերը ներկայացնող փաստաբան Պավել Աստախովը։

ՌԴ ՔՕ 282 հոդվածը նախատեսում է պատիժ՝ մինչև հինգ տարի ազատազրկում։

Աստախովի խոսքերով, քննության առիթ է հանդիսացել «Երեկոն Տիգրան Քեոսայանի հետ» հաղորդումը, որը հեռարձակվում է «ՌԵՆ-ՏՎ»-ով։ Հաղորդումներից մեկի ժամանակ ռեժիսորը պատմել է, որ հինգ տարեկան հասակում նրան վիրավորել են 13-ամյա պատանիներ՝ ազգային հողի վրա։

«Նա տուն էր գնացել արցունքն աչքերին, և նրա հայրը, լսելով պատահածի մասին, ասել է, որ նման դեպքերում պետք է վերցնել քարը և նետել քեզ վիրավորողի վրա։ Տիգրանը եթերից ասել է, որ դա եղել է իր հոր խորհուրդը, որից նա կյանքում երբեք չի օգտվել, և հեռուստադիտողներին էլ խորհուրդ չի տալիս հետևել այդ խորհրդին»,- ասել է Աստախովը։

Սակայն, Պետդումայի պատգամավոր Նիկոլայ Կուրյանովիչը մտածել է, որ Քեոսայանը բոլորին կոչ է անում քարեր շպրտել ռուսների գլուխներին, ինչով էլ ազգային երկպառակություն է հրահրում։ Իր համապատասխան դիմում-հայտարարությունը պատգամավորը ուղարկել է ՌԴ գլխավոր դատախազություն, որն էլ մայրաքաղաքի կենտրոնական շրջանի դատախազությանը հանձնարարել է ստուգել փաստը, պատմել է դատապաշտպանը։

Նա ճշտել է, որ ստուգման շրջանակներում արդեն հարցաքննվել են «ՌԵՆ-ՏՎ» հեռուստաընկերության աշխատակիցները, ինչպես նաև հաղորդման պրոդյուսերները, իսկ չորեքշաբթի, օգոստոսի 29-ին տեղի կունենա հենց իր՝ Քեոսայանի հարցաքննությունը։ --0—