ԱՊՀ ՀՕՊ Միասնական համակարգի աշխատանքի արդյունավետությունն աճել է. ՌԴ ՌՕՈւ ղեկավար

ԱՊՀ ՀՕՊ Միասնական համակարգի աշխատանքի արդյունավետությունն աճել է, հայտարարել է Ռուսաստանի ՌՕՈւ հրամանատար, գեներալ-փոխգնդապետ Ալեքսանդր Զելինը՝ ամփոփելով «Ռազմական համագործակցություն-2007» ԱՊՀ ՀՕՊ Միասնական համակարգի զորավարժությունների ակտիվ փուլի արդյունքները։

Նրա խոսքերով, զենիթա-հրթիռային համակարգերի բոլոր հաշվարկները և ինքնաթիռների անձնակազմերը հաջող կերպով կատարել են ուսումնա-ռազմական խնդիրները, «ՌԻԱ Նովոստիի» հաղորդմամբ, ասել է Զելինը։

«ԱՊՀ ՀՕՊ Միասնական համակարգի ներուժը գնալով աճելու է։ Ներկայում Համագործակցության երկրների ղեկավարների մոտ ձևավորվում է միասնական քաղաքականություն և ԱՊՀ ՀՕՊ միասնական համակարգի կառուցման ըմբռնում»,-ասել է ՌԴ ՌՕՈւ հրամանատարը։

Գնահատելով ԱՊՀ ՀՕՊ Միասնական համակարգի անդամ-երկրների ռազմական համագործակցության արդյունքները՝ գեներալը նշել է, որ «գագաթնակետը ռազմական հրաձգությունն էր, որոնք ցույց տվեցին անձնակազմի բարձր հմտությունը և ռազմական պատրաստվածությունը»,-ասել է նա։

Ընդհանուր առմամբ, ԱՊՀ ՌՕՈւ ՀՕՊ զորքերը միասնական զորամիավորման կազմում կարող են լուծել Համագործակցության օդային սահմանների պաշտպանության հետ կապված խնդիրները, հավելել է Զելինը։ Իր հերթին, Ռուսաստանի ՌՕՈւ ՀՕՊ գծով հրամանատարի տեղակալ Վադիմ Վոլկովիցկին նշել է, որ մոտ ժամանակներս տարածաշրջանային ՀՕՊ համակարգեր են ստեղծվելու Արևելա-Եվրոպական, Կենտրոնական և Կովկասյան տարածաշրջաններում։ Ներկայում լուծվում է Ռուսաստանի և Բելոռուսիայի միասնական տարածաշրջանային համակարգի հարցը։--0—